బ్రహ్మగిరి క్షేత్రంలో శ్రీ సరస్వతీ దేవి అలంకరణలో అమ్మవారి దర్శనం

చేవెళ్ల: శరన్నవరాత్రి ఉత్సవాల్లో భాగంగా ఆరో రోజు చేవెళ్లలోని బ్రహ్మగిరి క్షేత్రంలో శ్రీ సరస్వతీ దేవి అలంకరణలో అమ్మవారు భక్తులకు దర్శనమిచ్చారు. ఈ సందర్భంగా అమ్మవారిని విశేషంగా అలంకరించి ప్రత్యేక పూజలు నిర్వహించారు.

విద్య, జ్ఞానం, వివేకానికి ప్రతీకగా కొలువుదీరిన శ్రీ సరస్వతీ దేవిని దర్శించుకునేందుకు భక్తులు ఆసక్తి చూపుతున్నారు. అమ్మవారి కృపతో విద్యార్థులు విద్యలో రాణించాలని, ప్రజలందరికీ సుఖసంతోషాలు కలగాలని భక్తులు ప్రార్థిస్తున్నారు.

శరన్నవరాత్రుల సందర్భంగా బ్రహ్మగిరి క్షేత్రంలో అమ్మవారి దర్శనం భక్తులకు ఆధ్యాత్మిక ఆనందాన్ని అందిస్తోంది. 

(రంగారెడ్డి - మేజర్ న్యూస్)