telangana
బండ మాదారం లో యథేచ్ఛగా అక్రమ మట్టి దందా…!
మేడ్చల్, మేజర్ న్యూస్:ఎల్లంపేట మున్సిపాలిటీ పరిధిలోని బండ మాదారం గ్రామంలో అక్రమ మట్టి దందా యథేచ్ఛగా కొనసాగుతున్నట్లు స్థానికులు ఆరోపిస్తున్నారు. రాత్రి, పగలు తేడా లేకుండా మూడు బొక్కెన్లు, ఆరు ట్రిప్పర్ల మట్టి అక్రమ దందా జరుగుతుంది, మట్టి తరలింపు జరుగుతున్నప్పటికీ సంబంధిత రెవెన్యూ అధికారులు పట్టించుకోవడం లేదనే విమర్శలు వినిపిస్తున్నాయి.గతంలోనూ సర్వే నంబర్లతో పాటు లొకేషన్ వివరాలను ప్రస్తావిస్తూ అక్రమ మట్టి తవ్వకాలపై సమాచారం అందించినప్పటికీ, అక్రమ మట్టిస్తావరాలు తెలియకపోవడం అధికారుల యొక్క వైఫల్యానికి నిదర్శనం అని స్థానికులు వాపోతున్నారు. గ్రామంలోని వాట్సాప్ గ్రూపుల్లో సైతం మట్టి తవ్వకాలకు సంబంధించిన ఫొటోలు ప్రచారంలోకి వస్తున్నా, అధికారుల నుంచి తగిన స్పందన లేకపోవడంపై పలువురు ఆశ్చర్యం వ్యక్తం చేస్తున్నారు.అక్రమ మట్టి తవ్వకాలు, తరలింపుపై అధికారులు క్షేత్రస్థాయిలో పరిశీలన చేపట్టి, నిబంధనలు ఉల్లంఘించినట్లు తేలితే బాధ్యులపై చర్యలు తీసుకోవాలని స్థానికులు కోరుతున్నారు. బండ మాదారం గ్రామంలో కొనసాగుతున్న మట్టి తవ్వకాలపై రెవెన్యూ శాఖ అధికారులు ఇప్పటికైనా స్పందించి తగిన చర్యలు చేపడతారా? అన్నది వేచి చూడాలి.
