ఇందిరమ్మ కుటుంబ బీమా నమోదు ప్రక్రియ ప్రారంభం
తూప్రాన్పేటలో కార్యక్రమాన్ని ప్రారంభించిన సర్పంచ్ రాధిక శ్రీశైలం యాదవ్
చౌటుప్పల్, మేజర్ న్యూస్: గ్రామ ప్రజలకు ఆర్థిక భరోసా కల్పించే లక్ష్యంతో ప్రభుత్వం చేపట్టిన ఇందిరమ్మ కుటుంబ బీమా నమోదు ప్రక్రియను తూప్రాన్పేట గ్రామంలో శుక్రవారం ప్రారంభించారు. గ్రామ సర్పంచ్ రాధిక శ్రీశైలం యాదవ్, ఉప సర్పంచ్ ముద్దం రమేష్ యాదవ్, పంచాయతీ కార్యదర్శి ఏర్పుల విజయ్ కుమార్ ముఖ్య అతిథులుగా పాల్గొని నమోదు కార్యక్రమాన్ని ప్రారంభించారు.
ఈ సందర్భంగా వారు మాట్లాడుతూ ఇందిరమ్మ కుటుంబ బీమా పథకం అర్హులైన కుటుంబాలకు ఎంతో ప్రయోజనకరమని, ప్రతి అర్హ కుటుంబం ఈ అవకాశాన్ని సద్వినియోగం చేసుకోవాలని సూచించారు. గ్రామంలోని అర్హులైన కుటుంబాల వివరాలను నమోదు ప్రక్రియలో భాగంగా సేకరించాలని తెలిపారు.
ఈ కార్యక్రమంలో వార్డు సభ్యులు నర్రా అలివేలు రఘు, బొజ్జ స్వామి, భకతట్ల శ్రీకాంత్ యాదవ్, ఏర్పుల జ్యోతి, లింగస్వామి యాదవ్, ఏర్పుల శ్రీశైలం యాదవ్, వర్కురీ బాలకృష్ణ, గంధం భాగ్యమ్మ, అశోక్తో పాటు గ్రామ పెద్దలు, మాజీ వార్డు సభ్యులు ముద్దంగుల యాదయ్య, పరిధం సురేష్, పొచమొని పవన్, గ్రామ శాఖ అధ్యక్షుడు చెంచాల శ్రీనివాస్ తదితరులు పాల్గొన్నారు.