telangana
భక్తిశ్రద్ధలతో భూలక్ష్మి, మహాలక్ష్మి బొడ్రాయి పూజలు
సూర్య వీణవంక: మండలంలోని రెడ్డిపల్లి గ్రామంలో భూలక్ష్మి, మహాలక్ష్మి బొడ్రాయి కార్యక్రమాలు శుక్రవారం భక్తిశ్రద్ధలతో ప్రారంభమయ్యాయి. కార్యక్రమం మొదటి రోజున గోమాతతో ప్రత్యేక పూజా కార్యక్రమాన్ని నిర్వహించి, అనంతరం భూలక్ష్మి, మహాలక్ష్మి విగ్రహాలను మేళతాళాలతో, మంగళ వాయిద్యాల నడుమ శోభాయాత్రగా తీసుకెళ్లారు. రెడ్డిపల్లి నుంచి అచ్చంపల్లి, కొత్తపల్లి గ్రామాల మీదుగా శోభాయాత్ర కొనసాగింది.ఈ కార్యక్రమంలో మహిళా కోలాట బృందాలు, గ్రామ ప్రజలు, భక్తులు భారీ సంఖ్యలో పాల్గొని కార్యక్రమాన్ని విజయవంతం చేశారు.
