భక్తిశ్రద్ధలతో 25వ మహా పాదయాత్రలో పాల్గొన్న ఎమ్మెల్సీ దండే విఠల్
సూర్య,కాగజ్నగర్: భక్తి పారవశ్యంతో జై శ్రీరామ్.. జై హనుమాన్ నామస్మరణల మధ్య టోంకిని శ్రీ సిద్ధి హనుమాన్ స్వామి 25వ మహా పాదయాత్ర మంగళవారం వైభవంగా ప్రారంభమైంది. ఈ సందర్భంగా కాగజ్నగర్ పట్టణంలోని బాలభారతి హనుమాన్ ఆలయంలో ఉమ్మడి ఆదిలాబాద్ జిల్లా ఎమ్మెల్సీ దండే విఠల్ ప్రత్యేక పూజలు నిర్వహించారు. అనంతరం అక్కడి నుంచి టోంకిని శ్రీ సిద్ధి హనుమాన్ ఆలయం వరకు చేపట్టిన మహా పాదయాత్రలో భక్తిశ్రద్ధలతో పాల్గొంటూ బయలుదేరారు.25వ మహా పాదయాత్రలో పెద్ద సంఖ్యలో భక్తులు పాల్గొని హనుమాన్ నామస్మరణతో ముందుకు సాగారు. భక్తుల జై శ్రీరామ్, జై హనుమాన్ నినాదాలతో పాదయాత్ర మార్గమంతా ఆధ్యాత్మిక వాతావరణం నెలకొంది. టోంకిని సిద్ధి హనుమాన్ స్వామి దర్శనం కోసం తరలివచ్చిన భక్తులతో పాదయాత్రలో సందడి నెలకొంది. ఈ సందర్భంగా ఉమ్మడి ఆదిలాబాద్ జిల్లా ఎమ్మెల్సీ దండే విట్టల్ మాట్లాడుతూ సిర్పూర్ నియోజకవర్గ ప్రజలందరూ ఆయురారోగ్యాలతో,సుఖసంతోషాలతో కలకాలం చల్లగా జీవించాలని ఈ పాదయాత్ర చేసినట్టు ఆయన వెల్లడించారు.