BREAKING
పెదకాకని శివాలయాన్ని సందర్శించిన రాష్ట్ర దేవాదాయ శాఖ కమిషనర్ రామచంద్ర మోహన్ పోప్ లియో XIV దక్షిణ అమెరికా పర్యటన పూర్తి.. ఫ్రాన్స్–మలేషియా దౌత్య బంధంలో కొత్త అధ్యాయం: రక్షణ, ఖనిజ రంగాల్లో కీలక చర్చలు! సర్పంచ్ పీఠాలపై గురి ఏఐపై ఏపీఈసీ దేశాల కీలక నిర్ణయం: సురక్షిత, సమగ్ర వినియోగానికి సభ్య దేశాల మద్దతు! తుఫాను ముప్పు నేపథ్యంలో రైతులు అప్రమత్తంగా ఉండాలి వాణిజ్య ఉద్రిక్తతలకు తెరదించే దిశగా అడుగులు: త్వరలో భేటీ కానున్న ట్రంప్, జిన్‌పింగ్! భక్తిశ్రద్ధలతో 25వ మహా పాదయాత్రలో పాల్గొన్న ఎమ్మెల్సీ దండే విఠల్ భారత స్టాక్ మార్కెట్ల తాజా అప్‌డేట్: 100+ పాయింట్ల లాభంలో సెన్సెక్స్, 25,300 దాటిన నిఫ్టీ! నేడు బెజ్జుర్ మండల కేంద్రం లోని రైతు వేదికలో చేయూత పెన్షన్ పత్రాల పంపిణీ,వాయిదా... ఫారెక్స్ మార్కెట్లో రూపాయి జోరు: డాలర్‌తో పోలిస్తే 93.72 వద్ద బలంగా ప్రారంభం! అమెరికా ఆంక్షలకు చైనా చెక్: స్వదేశీ చిప్‌లు, సరికొత్త ఏఐ వ్యూహంతో రంగంలోకి టెక్ దిగ్గజాలు! డేవిడ్ జోన్స్ సంక్షోభం: A$459 మిలియన్లకు చేరిన అప్పులు, సగం స్టోర్ల (19) మూసివేతకు నిర్ణయం! శ్రీకాళహస్తి పట్టణంలో నామినేషన్లు పూర్తి పేకాట శిబిరంపై పోలీసుల దాడి.. రూ.5,200 నగదు స్వాధీనం.

సర్పంచ్ పీఠాలపై గురి

Select Suryaa Now
సర్పంచ్ పీఠాలపై గురి

పెదకాకాని మేజర్ న్యూస్: పెదకాకాని మండలంలో గ్రామ పంచాయతీ ఎన్నికల వేడి రోజురోజుకూ పెరుగుతోంది. సర్పంచి పదవులపై ఆశలు పెట్టుకున్న నాయకులు తమ అదృష్టాన్ని పరీక్షించుకునేందుకు సిద్ధమవుతున్నారు. అయితే ఒకే పార్టీ నుంచి పలువురు ఆశావాహులు పోటీకి ఆసక్తి చూపుతుండటంతో అభ్యర్థుల ఎంపిక అధికార తెలుగుదేశం పార్టీకి తలనొప్పిగా మారుతోంది. మండలంలోని పలు ప్రధాన పంచాయతీల్లో ఆశావాహుల మధ్య ఏకాభిప్రాయం కుదరక రాజకీయ ఉత్కంఠ నెలకొంది. మండల కేంద్రం పెదకాకాని
పంచాయతీ సర్పంచి పదవికి ఏకంగా 9 మంది ఆశావాహులు తమ ప్రయత్నాలు సాగిస్తున్నారు. ఈ నేపథ్యంలో పార్టీలో ద్వితీయ స్థాయి నాయకులు సమావేశమై అభ్యర్థి ఎంపికపై చర్చించినప్పటికీ, ఎవరికి వారు తమకే అవకాశం కల్పించాలని పట్టుబట్టడంతో ఏకాభిప్రాయం కుదరలేదు. దీంతో ఈ వ్యవహారాన్ని స్థానిక శాసనసభ్యులు ధూళిపాళ్ల నరేంద్ర కుమార్ దృష్టికి తీసుకువెళ్లడానికి నిర్ణయించినట్లు తెలుస్తోంది. చివరకు ఎమ్మెల్యే ఎవరికి గ్రీన్ సిగ్నల్ ఇస్తారన్నది ఇప్పుడు ఆసక్తికరంగా మారింది. ఆయా గ్రామ పంచాయతీల నాయకులతో సమావేశంలో సర్పంచి అభ్యర్థి ఎంపికపై చర్చించినప్పటికీ, పార్టీకి చెందిన మరో ఆశావాహుడు కూడా తనకు అవకాశం కల్పించాలని కోరడంతో నిర్ణయం కొలిక్కి రాలేదు. దీంతో ఆశావాహులు ఎమ్మెల్యే
నిర్ణయం కోసం ఎదురుచూస్తున్నట్లు సమాచారం. మండలంలోని మరికొన్ని పంచాయతీల్లోనూ సర్పంచి పదవుల కోసం ఒకే పార్టీకి చెందిన పలువురు నాయకులు పోటీ పడుతుండటంతో అభ్యర్థుల ఎంపిక కష్టతరంగా మారుతోంది. పంచాయతీ ఎన్నికల్లో పార్టీ గుర్తులు లేకపోయినప్పటికీ, ప్రధాన రాజకీయ పార్టీలు తమ మద్దతుదారులను బరిలోకి దించేందుకు వ్యూహాలు రచిస్తున్నాయి. దీంతో పార్టీ మద్దతు ఎవరికి లభిస్తుందన్న అంశం ఆశావాహుల్లో ఉత్కంఠ రేపుతోంది. సర్పంచి పదవుల పై కన్నేసిన ఆశావాహులు తమ ప్రయత్నాలను ముమ్మరం చేస్తుండగా, మరోవైపు పార్టీ నాయకత్వం అందరినీ సమన్వయం చేసి ఒక్కొక్క గ్రామానికి ఒక అభ్యర్థిని ఖరారు చేయాల్సిన పరిస్థితి ఏర్పడింది. చివరకు అధిష్ఠానం ఎవరికి అవకాశం కల్పిస్తుంది, అసంతృప్తులను ఎలా బుజ్జగిస్తుంది. అన్నది రానున్న రోజుల్లో తేలనుంది.
పెదకాకాని సీనియర్ జర్నలిస్ట్ అహ్మద్ ఖాన్