telangana
అయ్యవారిపల్లిలో భూ బదలాయింపు .. తహసీల్దార్ సస్పెన్షన్ ?
- సర్వే నంబర్ 115లో 13 ఎకరాల 17 గుంటల భూమి అక్రమ బదలాయింపుపై చర్యలు
ఉప్పునుంతల, సూర్య న్యూస్:
ఉప్పునుంతల మండలం అయ్యవారిపల్లి గ్రామంలోని భూ బదలాయింపు వ్యవహారం రెవెన్యూ శాఖలో కలకలం రేపుతోంది. గ్రామంలోని సర్వే నంబర్ 115లో ఉన్న 13 ఎకరాల 17 గుంటల భూమి అక్రమ బదలాయింపుపై వచ్చిన ఆరోపణల నేపథ్యంలో ఉప్పునుంతల తహసీల్దార్ అద్దంకి సునీతను సస్పెండ్ చేసినట్లు విశ్వసనీయ సమాచారం.
ఈ మేరకు జిల్లా కలెక్టర్ హేమంత్ కేశవ్ పాటిల్ సస్పెన్షన్ ఉత్తర్వులు జారీ చేసినట్లు తెలిసింది. అయితే ఈ వ్యవహారంపై అధికారిక ప్రకటన వెలువడాల్సి ఉంది. భూ బదలాయింపులో జరిగిన పరిణామాలు, బాధ్యులపై తదుపరి చర్యలు ఎలా ఉంటాయన్నది మండలంలో చర్చనీయాంశంగా మారింది.
