ఇందిరాగాంధీ సేవలు చిరస్మరణీయం...

వీణవంక: భారత మాజీ ప్రధానమంత్రి, ఉక్కు మహిళగా పేరుగాంచిన ఇందిరాగాంధీ వర్ధంతి కార్యక్రమాన్ని  వీణవంక మండల కేంద్రంలో కాంగ్రెస్ పార్టీ ఆధ్వర్యంలో ఘనంగా నిర్వహించారు. మండల కాంగ్రెస్ పార్టీ అధ్యక్షుడు ఎక్కటి రఘుపాల్ రెడ్డి నేతృత్వంలో నిర్వహించిన ఈ కార్యక్రమంలో పలువురు కాంగ్రెస్ నాయకులు ఇందిరాగాంధీ చిత్రపటానికి పూలమాలలు వేసి ఘనంగా నివాళులర్పించారు.
ఈ సందర్భంగా నాయకులు మాట్లాడుతూ.. 
భారతదేశ తొలి మహిళా ప్రధానమంత్రిగా ఇందిరాగాంధీ దేశ చరిత్రలో ప్రత్యేక స్థానాన్ని సంపాదించుకున్నారని తెలిపారు. దేశ సమగ్రత, ఐక్యత, అభివృద్ధి కోసం ఆమె చేసిన కృషి చిరస్మరణీయమని పేర్కొన్నారు. బ్యాంకుల జాతీయీకరణ, హరిత విప్లవానికి ప్రోత్సాహం, వ్యవసాయ రంగ అభివృద్ధి వంటి కీలక నిర్ణయాల్లో ఆమె పాత్ర ఉందని గుర్తుచేశారు.
దేశంలో పేదరిక నిర్మూలన, సామాజిక న్యాయం, మహిళా సాధికారతకు సంబంధించిన అంశాలకు ఆమె తన పాలనలో ప్రాధాన్యత ఇచ్చారని అన్నారు. అంతర్జాతీయ స్థాయిలోనూ భారతదేశానికి ప్రత్యేక గుర్తింపు తీసుకురావడంలో ఆమె కీలక పాత్ర పోషించారని పేర్కొన్నారు.
ఇందిరాగాంధీ దేశానికి అందించిన సేవలు, ఆమె తీసుకున్న చారిత్రాత్మక నిర్ణయాలు భావితరాలకు స్ఫూర్తిగా నిలుస్తాయని నాయకులు తెలిపారు. ఆమె ఆశయాల సాధనకు కాంగ్రెస్ పార్టీ నాయకులు, కార్యకర్తలు కృషి చేయాలని పిలుపునిచ్చారు.ఈ కార్యక్రమంలో మండల కాంగ్రెస్ నాయకులు, గంగాడి తిరుపతిరెడ్డి, జిల్లా ప్రధాన కార్యదర్శి వావిలిన సత్యనారాయణ. సర్పంచ్ల ఫోరం అధ్యక్షులు, గెల్లు శ్రీనివాస్ యాదవ్, గంగాడి రాజిరెడ్డి, ఐలయ్య యాదవ్, ఎల్లారెడ్డి, మాదాసి సునీల్ డైరెక్టర్, రషీద్, అందే కుమార్, మహేష్ గౌడ్, రమేష్, గట్టయ్య,
శ్రీనివాస్ గౌడ్, మోటం శ్రీనివాస్,మధుసూదన్. లక్ష్మణ్, ఆవల రామకృష్ణ
పార్టీ కార్యకర్తలు, అభిమానులు తదితరులు పాల్గొన్నారు.