అయ్యప్ప పూజలో పాల్గొన్న బీఆర్‌ఎస్‌ నేతలు
దుండిగల్ మేజర్ న్యూస్ : మేడ్చల్ జిల్లా బీఆర్‌ఎస్‌ అధ్యక్షులు, ఎమ్మెల్సీ శంబీపూర్ రాజు నివాసంలో గురువారం నిర్వహించిన అయ్యప్ప స్వామి పూజా కార్యక్రమం భక్తిశ్రద్ధలతో జరిగింది. ఈ కార్యక్రమానికి ఎమ్మెల్సీ దాసోజు శ్రవణ్, కుత్బుల్లాపూర్ ఎమ్మెల్యే, బీఆర్‌ఎస్‌ ఎల్పీ విప్ కేపీ.వివేకానంద్ ముఖ్య అతిథులుగా హాజరై అయ్యప్ప స్వామివారిని దర్శించుకుని ప్రత్యేక పూజలు నిర్వహించారు. ఈ సందర్భంగా అయ్యప్ప స్వామివారి ఆశీస్సులు ప్రజలందరిపై ఉండాలని, ప్రతి కుటుంబం సుఖశాంతులతో, ఆయురారోగ్యాలతో వర్ధిల్లాలని నేతలు ఆకాంక్షించారు. అనంతరం పూజా కార్యక్రమంలో పాల్గొన్న భక్తులతో కలిసి స్వామివారి తీర్థప్రసాదాలు స్వీకరించారు. ఎమ్మెల్సీ శంబీపూర్ రాజు ఆధ్వర్యంలో నిర్వహించిన ఈ అయ్యప్ప పూజా కార్యక్రమంలో బీఆర్‌ఎస్‌ నాయకులు, కార్యకర్తలు, స్థానిక ప్రజాప్రతినిధులు, అయ్యప్ప స్వామి భక్తులు పాల్గొన్నారు. భక్తులు స్వామివారిని భక్తిశ్రద్ధలతో పూజిస్తూ ఆధ్యాత్మిక వాతావరణాన్ని నెలకొల్పారు. ఈ సందర్భంగా ఎమ్మెల్సీ దాసోజు శ్రవణ్, ఎమ్మెల్యే కేపీ.వివేకానంద్‌లను శంబీపూర్ రాజు సాదరంగా ఆహ్వానించి పూజా కార్యక్రమంలో పాల్గొన్నందుకు కృతజ్ఞతలు తెలిపారు. నాయకులు పరస్పరం ఆధ్యాత్మిక, సామాజిక అంశాలపై చర్చించుకున్నారు. కార్యక్రమం అనంతరం భక్తులకు తీర్థప్రసాదాలు పంపిణీ చేశారు
