అంగన్వాడీ భవనాన్ని ప్రారంభించిన ఎమ్మెల్యే
సూర్య చొప్పదండి : చొప్పదండి మండలం భూపాలపట్నం గ్రామంలోని 12 లక్షల రూపాయల నిధులతో నిర్మించిన అంగన్వాడీ భవనాన్ని ఇందిరా గాంధీ జయంతి సందర్భంగా అధికారులు, స్థానిక ప్రజా ప్రతినిధులతో కలిసి చొప్పదండి శాసనసభ్యులు మేడిపల్లి సత్యం ప్రారంభించారు. అనంతరం సత్యం మాట్లాడుతూ గర్భిణీ స్త్రీలు, బాలింతలు, చిన్నారుల సంపూర్ణ ఆరోగ్యం, పౌష్టికాహారం కోసం తెలంగాణ ప్రజా ప్రభుత్వం అంగన్వాడీ కేంద్రాలను మరింత బలోపేతం చేస్తోందని తెలిపారు.చిన్నారులకు ఆటపాటలతో కూడిన ప్రాథమిక విద్యను (ప్రీ-స్కూల్) అందించడంలో అంగన్వాడీ కేంద్రాల పాత్ర ఎంతో కీలకమని పేర్కొన్నారు.ఈ నూతన భవనం ద్వారా స్థానిక ప్రజలకు మెరుగైన సేవలు అందుబాటులోకి వస్తాయని ఆశాభావం వ్యక్తం చేశారు. కార్యక్రమంలో భాగంగా భారతదేశ మొదటి మహిళ ప్రధాని, ఉక్కు మహిళ, భారతరత్న స్వర్గీయ శ్రీమతి ఇందిరా గాంధీ 109 వ జయంతి సందర్భంగా వారి చిత్ర పటానికి మండల కాంగ్రెస్ నాయకులతో కలిసి పూల మాల వేసి ఘన నివాళులు అర్పించారు. ఇట్టి కార్యక్రమంలో మండల కాంగ్రెస్ అధ్యక్షులు, ఫాక్స్ చైర్మన్ ఇప్ప శ్రీనివాస్ రెడ్డి, జిల్లా కాంగ్రెస్ వర్కింగ్ ప్రెసిడెంట్ కోమటిరెడ్డి పద్మాకర్ రెడ్డి, మున్సిపల్ చైర్ పర్సన్ వడ్లూరి సరిత శ్రీనివాస్, వైస్ చైర్ పర్సన్ పెరుమండ్ల మానస గంగయ్య గౌడ్, భూపాలపట్నం సర్పంచ్ మడిపెల్లి సంజీవ్, ఆర్నకొండ సింగిల్ విండో చైర్మన్ ఎన్నం మనోహర్ పట్టణ కాంగ్రెస్ అధ్యక్షులు సింగిల్ విండో వైస్ చైర్మన్ నిజనపురం చందు, జిల్లా కిసాన్ సెల్ అధ్యక్షులు పురం రాజేశం మాజీ ఎంపీపీ మునిగాల విజయలక్ష్మి చందు, మాజీ సర్పంచ్ మునిగాల సుధాకర్ గౌడ్, ఉప సర్పంచ్ మునిగాల నరేష్ మండలంలోని వివిధ గ్రామాల సర్పంచులు, మున్సిపల్ కౌన్సిలర్స్, ఉప సర్పంచులు, సింగిల్ విండో డైరెక్టర్లు,మాజీ మార్కేట్ కమిటీ డైరెక్టర్లు, ప్రజా ప్రతినిధులు, కాంగ్రెస్ నాయకులు, అంగన్వాడీ సిబ్బంది, గ్రామ ప్రజలు తదితరులు పాల్గొన్నారు.