ఆధునిక భారత నిర్మాణ శిల్పి పండిట్ నెహ్రూ - మండల కాంగ్రెస్ అధ్యక్షులు కొట్నాక గణపతి

04 సూర్య తిర్యాణి : ​తిర్యాణి: భారతదేశ తొలి ప్రధానమంత్రి పండిట్ జవహర్‌లాల్ నెహ్రూ గారి ఆశయ సాధనకు ప్రతి కాంగ్రెస్ కార్యకర్త కృషి చేయాలని తిర్యాణి మండల కాంగ్రెస్ పార్టీ అధ్యక్షులు కొట్నాక గణపతి పిలుపునిచ్చారు. శనివారం కుమురం భీమ్ ఆసిఫాబాద్ జిల్లా తిర్యాణి మండల కేంద్రంలో మండల కాంగ్రెస్ పార్టీ ఆధ్వర్యంలో నెహ్రూ 137వ జయంతి వేడుకలను ఘనంగా నిర్వహించారు.​ఈ సందర్భంగా నెహ్రూ చిత్రపటానికి పూలమాలలు వేసి నివాళులర్పించిన అనంతరం కొట్నాక గణపతి మాట్లాడుతూ.. దేశ స్వాతంత్ర్య సంగ్రామంలో నెహ్రూ పోషించిన పాత్ర, ప్రజాస్వామ్య పరిరక్షణకు ఆయన చేసిన సేవలు చిరస్మరణీయమని కొనియాడారు. ఆధునిక భారత నిర్మాణానికి ఆయన వేసిన పునాదులే నేటి దేశ అభివృద్ధికి కారణమన్నారు. నేటి బాలలే రేపటి పౌరులని నమ్మిన నెహ్రూ, చిన్నారుల విద్యాభివృద్ధికి ఎంతో కృషి చేశారని, ఆయన జన్మదినాన్ని బాలల దినోత్సవంగా జరుపుకోవడం మనందరికీ గర్వకారణమని పేర్కొన్నారు.​ఈ కార్యక్రమంలో మార్కెట్ డైరెక్టర్ మరియు జవహర్ బాల్ మంచ్ జిల్లా చైర్మన్ నైతం రాంచందర్, డీసీసీ ప్రధాన కార్యదర్శి బుద్దె విజయ్, జిల్లా కార్యదర్శి కుర్సెంగా శోభన్, ఎస్సీ సెల్ జిల్లా ఉపాధ్యక్షులు పులి కొమురయ్య, మండల పార్టీ ఉపాధ్యక్షులు ఆత్రం లక్ష్మన్, చుంచు బాపురావు, పార్టీ సీనియర్ నాయకులు బుద్దె శేఖర్, మండల అధికార ప్రతినిధి కూన సురేష్,మండల ప్రధాన కార్యదర్శిలు గొర్య కుమార్, దుర్గం పవన్ కుమార్, ఎస్టీ సెల్ మండల నాయకులు జూగ్నక మారుతి, ఎస్సీ సెల్ మండల నాయకుడు మల్యాల అశోక్, సేవాదళ్ మండల నాయకులు బోరకుంట శంకర్, మండల పార్టీ కార్యదర్శులు కోవ శంకర్, పూసం రాజు, బుద్దె బానయ్య,ఎస్టీ సెల్ మండల నాయకుడు సిడం. జలపతి రావ్ తలండి సర్పంచ్ నైతం మంగు, గ్రామపంచాయతీ కమిటీ ప్రధాన కార్యదర్శి పంద్రం ఏశ్వంత్ రావు, పలువురు కాంగ్రెస్ నాయకులు, కార్యకర్తలు పాల్గొన్నారు