ట్రెజరీ,పే అండ్ అకౌంట్స్ శాఖకు చెందిన 30 మంది ఉద్యోగులు టీఎన్జీవోలో చేరిక
సూర్య మంచిర్యాల: టీఎన్జీవో మంచిర్యాల జిల్లా అధ్యక్షుడు గడియారం శ్రీహరి ఆధ్వర్యంలో జిల్లా ట్రెజరీ కార్యాలయం,జిల్లా పే అండ్ అకౌంట్స్ కార్యాలయాల్లో సభ్యత్వ నమోదు కార్యక్రమం నిర్వహించారు.ఈ సందర్భంగా ఆయా కార్యాలయాల్లో పనిచేస్తున్న 30 మంది నాన్ గెజిటెడ్ ఉద్యోగులు టీఎన్జీవో సంఘంలో సభ్యత్వం తీసుకున్నారు.ఈ సందర్భంగా జిల్లా అధ్యక్షుడు గడియారం శ్రీహరి మాట్లాడుతూ ఉద్యోగుల సమస్యల పరిష్కారానికి టీఎన్జీవో సంఘం నిరంతరం కృషి చేస్తుందని తెలిపారు.మంచిర్యాల జిల్లాలో మిగిలిన అన్ని యూనిట్లలోనూ త్వరితగతిన సభ్యత్వ నమోదు పూర్తి చేసి రాష్ట్రంలోనే జిల్లాను మొదటి స్థానంలో నిలిపేందుకు కృషి చేస్తామన్నారు.అన్ని రంగాల్లో మంచిర్యాల జిల్లా ఆదర్శంగా నిలవాలని ఆకాంక్షించారు.ఈ కార్యక్రమంలో టీఎన్జీవో జిల్లా కార్యదర్శి బొడ్డు శ్రావణ్,కేంద్ర సంఘం కార్యదర్శి పొన్న మల్లయ్య,అసోసియేట్ అధ్యక్షుడు శ్రీపతి బాపురావు,ఉపాధ్యక్షులు రాంకుమార్,తిరుపతి,సంయుక్త కార్యదర్శి సునీత,ప్రచార కార్యదర్శి యూసుఫ్,మంచిర్యాల యూనిట్ అధ్యక్షుడు నాగుల గోపాల్,కార్యదర్శి అజయ్తో పాటు ట్రెజరీ,పే అండ్ అకౌంట్స్ శాఖల ఉద్యోగులు పాల్గొన్నారు.