వేణుగోపాలస్వామి దేవాలయ అభివృద్ధికి సంపూర్ణ సహకారం

*పల్గుతాండ ఉపసర్పంచ్ మేరావత్ జ్యోతి రవినాయక్ ఆర్థిక సహకారంతో

 వేణుగోపాలస్వామి దేవాలయ ముఖద్వార దర్వాజ ప్రతిష్టాపన…

స్వామివారిని దర్శించుకొని ప్రత్యేక పూజలు, అభిషేకాలు నిర్వహించిన ఉపసర్పంచ్ మేరావత్ జ్యోతి రవినాయక్ దంపతులు…

మాడ్గుల మండలం పల్గుతాండ గ్రామపంచాయతీ పరిధిలోని 2వ వార్డులో మేరావత్ కుటుంబ వారసుల దేవాలయమైన వేణుగోపాలస్వామి ఆలయంలో ఉపసర్పంచ్ మేరావత్ జ్యోతి రవినాయక్ ఆర్థిక సహకారంతో ఏర్పాటుచేసిన ఆలయ ముఖద్వార దర్వాజ ప్రతిష్టాపనోత్సవాన్ని ఆదివారం ఘనంగా నిర్వహించారు. ఈ కార్యక్రమానికి ఉపసర్పంచ్ జ్యోతిరవినాయక్ దంపతులు ముఖ్య అతిథులుగా హాజరై స్థానిక నాయకులు, భక్తులతో కలిసి ముఖద్వార దర్వాజ ప్రతిష్టాపనోత్సవంలో పాల్గొన్నారు. అంతకుముందు వేణుగోపాలస్వామివారిని దర్శించుకొని ప్రత్యేక పూజలు నిర్వహించారు.ఈ సందర్భంగా ఉపసర్పంచ్ దంపతులు మాట్లాడుతూ ఆలయ అభివృద్ధికి తమవంతు సంపూర్ణ సహకారం ఎల్లవేళలా ఉంటుందని తెలిపారు. ఈ కార్యక్రమంలో ఆలయ పూజారి దేవులానాయక్, మేరావత్ కుటుంబ వారసులు దర్గా, రవీందర్, రాము, నరియా, గోప్యనాయక్, లాలునాయక్, జగన్, శంకర్, సక్రు, శ్రీనునాయక్, రాహుల్ నాయక్ తదితరులు పాల్గొన్నారు.

-------

-ఆర్.‌నర్సింహ్మ, మేజర్ న్యూస్ :మాడ్గుల