పాకిస్థాన్‌లో చట్టబద్ధ పాలన లేదు.. సైన్యమే చట్టం: ఐక్యరాజ్యసమితి వేదికగా భారత్ ఘాటు విమర్శలు!
సూర్య అంతర్జాతీయ & దౌత్య డెస్క్: అంతర్జాతీయ వేదికలపై చట్టబద్ధ పాలన గురించి నీతులు చెప్పే పాకిస్థాన్‌కు స్వదేశంలో మాత్రం ఆ విలువలపై ఏమాత్రం గౌరవం లేదని ఐక్యరాజ్యసమితిలో భారత్ తీవ్రస్థాయిలో నిలదీసింది. ఐరాసలో భారత శాశ్వత మిషన్ కౌన్సెలర్ మైథిలి ఆర్ ఆదివారం పాకిస్థాన్ తీరును ఎండగట్టారు.
"పాకిస్థాన్ ఇతరులకు చట్టబద్ధ పాలనపై ఉపన్యాసాలు ఇస్తుంది.. కానీ ఆ దేశంలో మాత్రం సైన్యమే శాసనం, సైన్యమే చట్టం" అంటూ ఆమె ధ్వజమెత్తారు. పాకిస్థాన్‌లో న్యాయవ్యవస్థ స్వతంత్రతను కాలరాస్తున్నారని, సాధారణ పౌరులపై సైనిక న్యాయస్థానాల్లో (మిలిటరీ కోర్టుల్లో) విచారణలు జరుపుతున్నారని ఆమె విమర్శించారు.
అంతేకాకుండా, రాజకీయ ప్రత్యర్థులను తీవ్రంగా అణచివేస్తున్నారని మైథిలి పేర్కొన్నారు. అంతర్జాతీయ వేదికలపై ప్రసంగాలు ఇవ్వడం మాని, ముందుగా సొంత దేశ ప్రజల గొంతును వినాలని తాము పాకిస్థాన్‌కు సూచిస్తున్నామని ఆమె స్పష్టం చేశారు.
