andhrapradesh
ఇంద్రకీలాద్రిపై భక్తజన సందోహం - అన్నపూర్ణాదేవి అలంకారంలో దర్శనమిస్తున్న కనకదుర్గమ్మ
ఇంద్రకీలాద్రి, మేజర్ న్యూస్: దసరా శరన్నవరాత్రి ఉత్సవాల్లో భాగంగా మంగళవారం ఇంద్రకీలాద్రిపై భక్తజన సందోహం నెలకొంది. అన్నపూర్ణాదేవి అలంకారంలో దర్శనమిస్తున్న శ్రీ కనకదుర్గమ్మను దర్శించుకునేందుకు భక్తులు పెద్ద ఎత్తున తరలివచ్చారు. అమ్మవారి దివ్యమంగళ స్వరూపాన్ని దర్శించుకుని భక్తులు పులకించిపోయారు. భక్తులకు ఎలాంటి ఇబ్బందులు కలగకుండా దేవస్థానం అధికారులు, పోలీసు సిబ్బంది విస్తృత ఏర్పాట్లు చేసి, నిరంతరం పర్యవేక్షిస్తున్నారు.
