45వ సచివాలయంలో సిబ్బంది గైర్హాజరు! పనిమీద వచ్చినా కనిపించని ఉద్యోగులు.. సమయపాలన ఏదంటూ ప్రశ్నించిన పురుషోత్తం మురళీకృష్ణ..

(అనంతపురము కార్పొరేషన్ మేజర్ న్యూస్:)

అనంతపురం నగరపాలక సంస్థ పరిధిలోని 45వ వార్డు సచివాలయంలో సిబ్బంది విధులకు హాజరు కాకపోవడంపై విమర్శలు వ్యక్తమయ్యాయి. పనిమీద సచివాలయానికి వచ్చిన పురుషోత్తం మురళీకృష్ణకు అక్కడ సిబ్బంది ఎవరూ కనిపించకపోవడంతో అసహనం వ్యక్తం చేశారు.
ప్రజలకు ప్రభుత్వ సేవలు అందించాల్సిన సచివాలయాల్లో సిబ్బంది అందుబాటులో ఉండాల్సిన అవసరం ఉందని ఆయన పేర్కొన్నారు. విధులకు హాజరయ్యే విషయంలో సమయపాలన పాటించకపోవడం వల్ల వివిధ పనుల కోసం కార్యాలయాలకు వచ్చే ప్రజలు ఇబ్బందులు ఎదుర్కోవాల్సి వస్తోందని ఆగ్రహం వ్యక్తం చేశారు.
ప్రజల సమస్యలను పరిష్కరించాల్సిన ఉద్యోగులు విధి వేళల్లో అందుబాటులో లేకపోతే సామాన్య ప్రజలు ఎవరిని సంప్రదించాలని ఆయన ప్రశ్నించారు. సంబంధిత అధికారులు స్పందించి 45వ వార్డు సచివాలయంలో సిబ్బంది హాజరు, విధుల నిర్వహణపై పరిశీలన చేపట్టి, ప్రజలకు ఇబ్బందులు కలగకుండా చర్యలు తీసుకోవాలని కోరారు.
సచివాలయ సిబ్బంది విధి వేళల్లో అందుబాటులో ఉండేలా అధికారులు పర్యవేక్షణ చేపట్టాలని ప్రజలు కోరుతున్నారు.