భక్తిశ్రద్ధలతో సత్యనారాయణ స్వామి వ్రతం

• రఘునాథపురంలో నూతన గృహప్రవేశం

• వేద పండితుడు రవికిరణ్ శర్మ ఆధ్వర్యంలో ప్రత్యేక పూజలు

పామూరు, మేజర్ న్యూస్ : 

 మండలంలోని బొట్లగూడూరు పంచాయతీ పరిధిలోని రఘునాథపురం గ్రామానికి చెందిన కొండా రమణయ్య–పద్మ, కొండా వెంకటేశ్వర్లు–మనోజ్ కుమారి దంపతుల నూతన గృహప్రవేశ కార్యక్రమం సోమవారం రాత్రి ఘనంగా జరిగింది. మంగళవారం ఉదయం నూతన నివాసంలో భక్తిశ్రద్ధలతో సత్యనారాయణ స్వామి వ్రతం నిర్వహించారు. వేద పండితులు కొల్లూరు రవికిరణ్ శర్మ వేద మంత్రోచ్చారణల నడుమ స్వామివారి వ్రతానికి సంబంధించిన పూజా కార్యక్రమాలను శాస్త్రోక్తంగా నిర్వహించారు. నూతన గృహంలో సుఖశాంతులు, ఆయురారోగ్యాలు, సిరిసంపదలు వెల్లివిరియాలని ప్రత్యేక పూజలు చేశారు. అనంతరం స్వామివారి తీర్థప్రసాదాలను అందజేశారు. కార్యక్రమంలో బంధుమిత్రులు, శ్రేయోభిలాషులు పాల్గొని నూతన గృహ యజమానులకు శుభాకాంక్షలు తెలిపారు. ఈ కార్యక్రమంలో  పామూరు సూర్య విలేకరి ఉప్పుగండ్ల రమేష్, మేకల చెంచురామయ్య, మల్లికార్జున్ కొండా రత్తయ్య, కొండా మల్లికార్జున, సోమినేని సురేష్, కరణం గురవయ్య, నల్లూరి బ్రహ్మయ్య, కుటుంబ సభ్యులు బంధుమిత్రులు పాల్గొన్నారు