సొంత ఊరికి సేవా భావంతో చేయూత

- కుమ్మరికుంట్ల ఉన్నత పాఠశాలలో సభా ప్రాంగణ నిర్మాణానికి శ్రీకారం
- గ్రామ సర్పంచ్ కారుపోతుల సాయిదుర్గ - అనిల్

దంతాలపల్లి ప్రతినిధి,  మండలంలోని కుమ్మరికుంట్ల
గ్రామానికి, పాఠశాలకు సేవ చేయాలనే ఉద్దేశంతో దాత డాక్టర్ తండ ప్రసాద్ అందించిన ఆర్థిక సహాయంతో గ్రామంలోని ఉన్నత పాఠశాలలో నిర్మిస్తున్న సభా ప్రాంగణ పనులకు గ్రామ సర్పంచ్ కారుపోతుల సాయిదుర్గ–అనిల్ గురువారం శ్రీకారం చుట్టారు. ఈ సందర్భంగా సర్పంచ్ మాట్లాడుతూ గ్రామంలో జన్మించి వివిధ ఉద్యోగాల్లో స్థిరపడిన వారు సొంత గ్రామాన్ని మరచిపోకుండా గ్రామ అభివృద్ధికి, పాఠశాల అభివృద్ధికి సహకరించడం అభినందనీయమన్నారు. దాతల సహకారం విద్యార్థులకు, పాఠశాలకు ఎంతో ఉపయోగకరంగా ఉంటుందని తెలిపారు.ఈ కార్యక్రమంలో ఉపసర్పంచ్ దైద ఉప్పలయ్య, వార్డు సభ్యులు, గ్రామ పెద్దలు, ఉపాధ్యాయులు వెంకట రాజయ్య, హర్షవర్ధన్ రెడ్డి, కన్న రాములు, యాకుబ్ అలీ, యాకమల్లయ్య, మద్దిరాల వీరస్వామి, కోడి వెంకన్న, ఏరుకొండ ఉప్పలయ్యతో పాటు ఉపాధ్యాయ బృందం తదితరులు పాల్గొన్నారు.