సోమవారం ఖమ్మం అల్లీపురంలో శ్రీ వెంకటేశ్వర స్వామి ఆలయ శంకుస్థాపన

*సోమవారం ఖమ్మం అల్లీపురంలో శ్రీ వెంకటేశ్వర స్వామి ఆలయ శంకుస్థాపన*

భూమి పూజ ఏర్పాట్లను పర్యవేక్షిస్తున్న తుమ్మల యుగంధర్ ఖమ్మం నగరంలోని అల్లీపురం లో సోమవారం జరగబోయే శ్రీ వెంకటేశ్వర స్వామి ఆలయ శంకుస్థాపన, భూమి పూజా కార్యక్రమానికి ఏర్పాట్లు ముమ్మరంగా సాగుతున్నాయి.ఈ ఆలయ నిర్మాణ పనులు, సోమవారం నాడు భూమి పూజా కార్యక్రమ ఏర్పాట్లను కాంగ్రెస్ పార్టీ రాష్ట్ర నాయకులు తుమ్మల యుగంధర్ నిరంతరం పర్యవేక్షిస్తున్నారు. భూమి పూజకు వచ్చే భక్తులకు, ప్రముఖులకు ఎలాంటి అసౌకర్యం కలగకుండా అన్ని వసతులు కల్పిస్తున్నారు.
అల్లీపురం ప్రాంత ప్రజల చిరకాల కోరిక అయిన వెంకటేశ్వర స్వామి ఆలయ నిర్మాణం కోసం తుమ్మల యుగంధర్ ముందుండి నడిపిస్తున్నారు. సోమవారం జరిగే శంకుస్థాపన కార్యక్రమానికి పెద్ద ఎత్తున భక్తులు, కాంగ్రెస్ శ్రేణులు, స్థానిక ప్రజలు హాజరు కానున్నారు.భూమి పూజ అనంతరం ఆలయ నిర్మాణ పనులు వేగవంతంగా ప్రారంభం కానున్నాయి.

పసుపులేటి సత్యనారాయణ ఉమ్మడి ఖమ్మం జిల్లా బ్యూరో చీఫ్