శ్రీరంగవరంలో టీఆర్ఎస్‌లోకి భారీగా చేరికలు.. సీపీఎం, సీపీఐతో పాటు ఇతర పార్టీల నేతలు, కార్యకర్తల చేరి
మేడ్చల్, మేజర్ న్యూస్ (అక్టోబర్ 14): మేడ్చల్ నియోజకవర్గ పరిధిలోని ఎల్లంపేట మున్సిపాలిటీ శ్రీరంగవరం గ్రామంలో రాజకీయ పరిణామాలు ఆసక్తికరంగా మారాయి. దుబ్బ కోటి ఆంజనేయులు ఆధ్వర్యంలో సీపీఎం, సీపీఐతో పాటు ఇతర పార్టీలకు చెందిన పలువురు నాయకులు, కార్యకర్తలు టీఆర్ఎస్ పార్టీలో చేరారు. మేడ్చల్ నియోజకవర్గ ఇన్‌చార్జ్ గుర్రం వెంకన్న, నియోజకవర్గ యూత్ ప్రెసిడెంట్ బండమీది నవీన్ ముదిరాజ్ ఆధ్వర్యంలో ఈ చేరికలు జరిగాయి.ఈ సందర్భంగా హైమద్‌తో పాటు పలువురు ముస్లిం సోదరులు, సోదరీమణులు టీఆర్ఎస్ పార్టీలో చేరినట్లు సమాచారం. పార్టీలో చేరిన వారిని నాయకులు సాదరంగా ఆహ్వానించారు. శ్రీరంగవరం గ్రామంలో వివిధ పార్టీలకు చెందిన నాయకులు, కార్యకర్తలు టీఆర్ఎస్‌లో చేరడం స్థానికంగా చర్చనీయాంశంగా మారింది. ఈ కార్యక్రమంతో గ్రామంలో పార్టీ కార్యకలాపాలు మరింత విస్తరించనున్నాయని స్థానిక నాయకులు భావిస్తున్నారు.
