సూర్య ఎఫెక్ట్:...... జల్ పల్లి పెద్ద చెరువు వద్ద బతుకమ్మ ఆడేందుకు ఏర్పాట్లు

సూర్య ఎఫెక్ట్..... జల్ పల్లి చెరువు వద్ద బతుకమ్మ ఆడేందుకు ఏర్పాట్లు.               జిహెచ్ఎంసి జల్ పల్లి సర్కిల్ పరిధి, ముత్యాలమ్మ ఆలయం సమీపంలో ఉన్న పెద్ద చెరువు అపరిశుభ్రతతో ఉండడం వలన బతుకమ్మ ఆడేందుకు మహిళలు తీవ్ర ఇబ్బందులు ఎదుర్కొన్నారు. దీంతో ఆదివారం 'చెరువు వద్ద శుభ్రత ఎక్కడ... ఎంగిలిపూల బతుకమ్మ ఆడేదెట్ల' అనే శీర్షిక సూర్య నేటి దినపత్రికలో ప్రచురితమయింది. ఈ కథనానికి జిహెచ్ఎంసి జల్ పల్లి సర్కిల్ డిప్యూటీ కమిషనర్ స్పందించి, ముత్యాలమ్మ ఆలయం సమీపంలో ఉన్న చెరువు వద్ద మహిళలు బతుకమ్మ ఆడేందుకు ప్రత్యేక ఏర్పాట్లు చేయించారు. చెరువు సమీపంలో పేరుకుపోయిన చెత్త, వ్యర్ధాలు, పిచ్చి మొక్కలను సిబ్బందితో తొలగింప చేశారు. చెరువు పరిసరాల్లో బ్లీచింగ్ పౌడర్, సున్నం చెల్లించి పరిశుభ్రంగా చేయించారు. మహిళలు బతుకమ్మ ఆడేందుకు ఎలాంటి ఇబ్బందులు పడకుండా లైటింగ్, ప్రత్యేక నిఘాతో రక్షణ ఏర్పాట్లు చేశారు. జల్ పల్లి సర్కిల్ పరిధిలో ఉన్న మహిళలందరూ సంతోషంగా బతుకమ్మ పండుగను జరుపుకోవాలని ఈ సందర్భంగా డిప్యూటీ కమిషనర్ వెంకట్రామ్ ఆకాంక్షించారు.                           అంకం జగన్ : మేజర్ న్యూస్, జల్ పల్లి.