ఎండపల్లిలో అగ్నిప్రమాదం.. పూర్తిగా దగ్ధమైన ఇల్లు

సూర్య ఎండపల్లి:మండల కేంద్రంలో సోమవారం ప్రమాదవశాత్తు జరిగిన అగ్నిప్రమాదంలో ఉపసర్పంచ్‌ దాసరి కళ్యాణి కొమరయ్యల నివాస గృహం పూర్తిగా దగ్ధమైంది. విద్యుత్‌ షాక్‌ కారణంగా మంటలు చెలరేగినట్లు అనుమానిస్తున్నారు. చూస్తుండగానే మంటలు ఇల్లంతా వ్యాపించడంతో ఇంట్లోని వస్తువులు కాలిపోయాయి. ఘటన జరిగిన సమయంలో కుటుంబ సభ్యులు అనారోగ్యంతో ఆస్పత్రిలో ఉండటంతో ప్రాణనష్టం తప్పింది. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని మంటలను అదుపు చేశారు. ఈ ప్రమాదంలో భారీగా ఆస్తి నష్టం జరిగినట్లు తెలుస్తోంది. అధికారులు నష్టాన్ని అంచనా వేయాల్సి ఉంది
ప్రమాదానికి గల పూర్తి వివరాలు తెలియాల్సి ఉంది.