ఏరియా ఆసుపత్రిలో మెగా వైద్య శిబిరం

పలమనేరు సూర్య మేజర్ న్యూస్ ;ప్రజలకు నాణ్యమైన వైద్య సేవలను అందించడంతో పాటు, వ్యాధులను ముందుగానే గుర్తించి తగిన చికిత్స అందించాలనే లక్ష్యంతో ఆంధ్రప్రదేశ్ ప్రభుత్వం చేపట్టిన సేవా సంకల్ప్ అభియాన్ కార్యక్రమంలో భాగంగా బుధవారం పలమనేరు ఏరియా ఆసుపత్రిలో మెగా వైద్య శిబిరాన్ని నిర్వహించారు.ఈ కార్యక్రమంలో చిత్తూరు జిల్లా వైద్య ఆరోగ్య శాఖ అధికారి డాక్టర్ ఎ. నాగ శశిభూషణ్ రెడ్డి, అదనపు జిల్లా వైద్య ఆరోగ్య శాఖ అధికారి డాక్టర్ జి. వెంకట ప్రసాద్, డీసీహెచ్‌ఎస్ డాక్టర్ పద్మాంజలి, ఆసుపత్రి సూపరింటెండెంట్ డాక్టర్ మమతా రాణి పాల్గొన్నారు.అలాగే పలమనేరు డివిజన్ పరిధిలోని పత్తికొండ, గంగవరం, పెద్దపంజాణి ప్రాథమిక ఆరోగ్య కేంద్రాలతో పాటు పలమనేరు పట్టణ ప్రాథమిక ఆరోగ్య కేంద్రాల వైద్యాధికారులు శిబిరంలో పాల్గొన్నారు.ఈ సందర్భంగా ప్రజలకు అందుబాటులో ఉన్న ప్రభుత్వ వైద్య సేవలపై అవగాహన కల్పించడంతో పాటు, ఆరోగ్య సమస్యలను నిర్లక్ష్యం చేయకుండా సకాలంలో వైద్యులను సంప్రదించాలని అధికారులు సూచించారు. వ్యాధులను తొలిదశలో గుర్తించడం ద్వారా మెరుగైన చికిత్స పొందే అవకాశం ఉంటుందని పేర్కొన్నారు.ప్రజల ఆరోగ్య పరిరక్షణకు ప్రభుత్వం చేపడుతున్న ఇటువంటి వైద్య శిబిరాలను ప్రజలు సద్వినియోగం చేసుకోవాలని అధికారులు కోరారు.