telanagana
శంషాబాద్ ఎయిర్‌పోర్టులో బుల్లెట్ కలకలం: అబుదాబి ప్రయాణికుడి వద్ద బుల్లెట్గు స్వాధీనం
శంషాబాద్, సూర్య ప్రతినిధి:శంషాబాద్‌లోని రాజీవ్ గాంధీ అంతర్జాతీయ విమానాశ్రయంలో బుల్లెట్ కలకలం సృష్టించింది. శంషాబాద్ నుంచి అబుదాబికి ప్రయాణించేందుకు వచ్చిన ఒక ప్రయాణికుడి వద్ద భద్రతా సిబ్బంది బుల్లెట్‌ను గుర్తించారు.
విమానాశ్రయంలోని సెక్యూరిటీ చెకింగ్ సమయంలో ప్రయాణికుడి సైడ్ బ్యాగ్‌లో బుల్లెట్ ఉన్నట్లు అధికారులు కనుగొన్నారు. దీనిపై తక్షణమే స్పందించిన సిఐఎస్ఎఫ్ (CISF) భద్రతా సిబ్బంది సదరు ప్రయాణికుడిని అదుపులోకి తీసుకున్నారు. తగిన అనుమతి పత్రాలు లేదా లైసెన్స్ లేకపోవడంతో అతడిని విచారణ నిమిత్తం జీఎంఆర్‌ (GMR) అవుట్‌పోస్ట్ పోలీసులకు అప్పగించారు. ఈ ఘటనపై పోలీసులు కేసు నమోదు చేసి, ప్రయాణికుడి వద్దకు బుల్లెట్ ఎలా వచ్చిందనే కోణంలో దర్యాప్తు జరుపుతున్నారు.
