అస్సూరెన్స్ కమిటీ సమావేశంలో పాల్గొన్న ఎమ్మెల్యే అమిలినేని

అనంతపురం బ్యూరో : రాష్ట్ర ప్రభుత్వం చేపడుతున్న సంక్షేమ, అభివృద్ధి కార్యక్రమాల అమలు తీరుపై సమీక్ష నిర్వహించారు. అసెంబ్లీ సమావేశాల్లో సభ్యులు అడిగిన ప్రశ్నలకు ప్రభుత్వం ఇచ్చిన హామీలు, వాటికి సంబంధించిన పనులు అమలయ్యాయా లేదా అనే అంశాలను ఎప్పటికప్పుడు పరిశీలించేందుకు అస్సూరెన్స్ కమిటీ సమావేశం నిర్వహించింది.

విజయవాడలో అస్సూరెన్స్ కమిటీ చైర్మన్ కామినేని శ్రీనివాస్ ఆధ్వర్యంలో జరిగిన సమీక్షా సమావేశంలో కళ్యాణదుర్గం ఎమ్మెల్యే అమిలినేని సురేంద్రబాబు సహచర కమిటీ సభ్యులతో కలిసి పాల్గొన్నారు.

ఈ సందర్భంగా అసెంబ్లీలో సభ్యులు ప్రస్తావించిన అంశాలపై ప్రభుత్వం ఇచ్చిన హామీల అమలు పురోగతిని సమీక్షించారు. ఇంకా అమలు కావాల్సిన హామీలు, పెండింగ్‌లో ఉన్న పనులపై అధికారులతో చర్చించి, వాటి పురోగతిని తెలుసుకున్నారు. ప్రజలకు అందాల్సిన సంక్షేమ ఫలాలు, అభివృద్ధి కార్యక్రమాలు సమర్థవంతంగా అమలయ్యేలా నిరంతరం పర్యవేక్షించాల్సిన అవసరాన్ని కమిటీ సభ్యులు చర్చించారు.

ప్రభుత్వం ఇచ్చిన హామీలను క్షేత్రస్థాయిలో అమలు చేయడంలో ఎదురవుతున్న సమస్యలను గుర్తించి, వాటి పరిష్కారానికి చర్యలు తీసుకోవాలని సమావేశంలో సూచించారు.