పీఎం సూర్య షూర్ పథకాన్ని సద్వినియోగం చేసుకోవాలి శాసనసభ్యులు కామినేని శ్రీనివాస్ వెల్లడి

 కైకలూరు, మేజర్ న్యూస్: ఆంధ్రప్రదేశ్ గవర్నమెంట్ అస్యూరెన్స్ కమిటీ చైర్మన్  శాసనసభ్యులు డా. కామినేని శ్రీనివాస్  కైకలూరు ఎంపీడీఓ కార్యాలయం నందు విధ్యుత్ శాఖ అధికారుల ఆధ్వర్యంలో ప్రధానమంత్రి సూర్య ఘర్ : ముఫ్త్ బిజ్లి యోజన. సేవా సేతు అభియాన్ ప్రత్యేక అవగాహన  సేవా శిభిరాన్ని ప్రారంభించారు. ఈ సందర్బంగా కామినేని  మాట్లాడుతు ప్రతి ఒక్కరు ప్రభుత్వం సబ్సిడీ ద్వారా అందిస్తున్న పీఎం సూర్య ఘర్ పధకాన్ని సధ్వినియోగం చేసుకుని సోలార్ రూఫ్ టాప్ లను పెట్టించుకోవాలని సూచించారు. దీని వలన నేరుగా వచ్చే సూర్య రశ్మి ద్వారా విధ్యుత్ ఉత్పత్తి అయ్యి గృహాపకారణాలకు ఉపయోగంగా ఉంటుందని అన్నారు. విధ్యుత్ శాఖ అధికారులు తెలిపిన వివరాల మేరకు ఈ సేవా సేతు అభియాన్ శిబిరం కైకలూరు ఎంపీడీఓ కార్యాలయం నందు ఈ నెల 6, 7 మరియు 8 తేదీలలో అందుబాటులో ఉంటుందని తెలిపారు.  అందరూ ఈ శిబిరాన్ని సందర్శించి సబ్సిడీ తో అందిస్తున్న సోలార్ రూఫ్ టాప్ ను ఇళ్లపై నిర్మించుకోవాలని తెలియజేశారు. ఈ కార్యక్రమంలో ఎన్డీఏ కూటమి నాయకులు, ప్రజాప్రతినిధులు, అధికారులు తదితరులు పాల్గొన్నారు.

 రమేష్, కైకలూరు,ఏలూరు జిల్లా.