నార్పలలో అక్రమ పనులు నిలుపుదల చేయాలని వినతి

అనంతపురం బ్యూరో : మండల కేంద్రంలోని సర్వే నంబర్‌ 94-1లో జరుగుతున్నట్లు ఆరోపిస్తున్న అక్రమ పనులను వెంటనే నిలుపుదల చేయాలని కోరుతూ అంబేద్కర్‌ కాలనీ వాసులు నార్పల మండల తహసీల్దార్‌ అరుణకుమారికి వినతిపత్రం సమర్పించారు.

సర్వే నంబర్‌ 94-1లో అనుమతులు, నిబంధనలకు విరుద్ధంగా పనులు జరుగుతున్నాయని వారు తహసీల్దార్‌ దృష్టికి తీసుకెళ్లారు. ఈ పనుల వల్ల కాలనీ వాసులకు ఇబ్బందులు తలెత్తే అవకాశం ఉందని పేర్కొన్నారు. సంబంధిత స్థలాన్ని పరిశీలించి, పనులకు సంబంధించిన అనుమతులు, భూమి వివరాలను పరిశీలించాలని కోరారు.

అక్రమంగా జరుగుతున్న పనులను తక్షణమే నిలుపుదల చేసి, నిబంధనల ప్రకారం చర్యలు తీసుకోవాలని అంబేద్కర్‌ కాలనీ వాసులు తహసీల్దార్‌ను కోరారు.