ఎన్నికల వ్యవస్థను బ్రష్టు పట్టింది బిజెపి

రాజమహేంద్రవరం: 

దేశంలో మోడీ నాయకత్వంలోని బిజేపి ప్రభుత్వం ఎన్నికల వ్యవస్ధను భ్రష్టు పట్టించిందని కాంగ్రెస్ పార్టీ పార్లమెంట్ ఇన్‌చార్జి టికె విశ్వేశ్వరరెడ్డి అరోపించారు. స్థానిక ప్రెస్‌క్లబ్‌లో మంగళవారం ఏర్పాటుచేసిన విలేకరుల సమావేశంలో టికె మాట్లాడుతూ సర్ పేరుతో దేశంలో 13కోట్ల మంది ఓట్లను చోరీ చేసిందన్నారు. ఓట్ల చోరీతో బిజేపి అధికారంలోకి వస్తుందని ఆరోపించారు. గత ఎన్నికల్లో అవకతవకలు జరిగాయని స్వయంగా కేంద్ర ఆర్ధికమంత్రి భర్త పరకాల ప్రభాకర్ ఆరోపించారని గుర్తు చేశారు. జ్ఞానేశ్వర్ కుమార్‌ను అడ్డుపెట్టకుని ఓట్ల చోరీకి పాల్పడుతున్నారని, ఎంఎల్‌సి సోము వీర్రాజు దీనిని సమర్ధించుకోవడం హాస్పాస్పదమన్నారు. ఓట్ల చోరీపై రాహుల్ గాంధీ పోరాటానికి దేశవ్యాప్తంగా మద్దతు వస్తుందన్నారు. బిజేపి ఓట్లను చోరీ చేయడమే కాదని, దేశాన్ని కూడా చోరీ చేస్తుందన్నారు. దేశ సంపదను మోదీ తనకు బినామీలుగా ఉన్నవారికి దోచుపెడుతున్నారని ఆరోపించారు. మోదీ గద్దె దిగితేనే గానీ దేశ ప్రశలకు శాంతి ఉండదన్నారు. విలేకరుల సమావేశంలో నగర కాంగ్రెస్ అధ్యక్షులు బాలేపల్లి మురళీధర్, నాయకులు ఆకుల సూర్య భాగ్యలక్ష్మి, రాజశేఖర్ తదితరులు పాల్గొన్నారు.