ప్రజాసేవకే జీవితాన్ని అంకితం చేసిన మోడీ.

సూర్య దర్శి.

మోదీ నాయకత్వంలో దేశంలో అభివృద్ధి సంక్షేమ విప్లవం.

కూటమి తో ఏపీ అభివృద్ధికి పెద్ద పీట.

సంక్షేమ అభివృద్ధి ఫలాలు ప్రతి ఇంటికి అందేలా కృషి.

ప్రధాని నరేంద్ర మోడీ 25 ఏళ్ల ప్రజాసేవకు గుర్తింపుగా  సేవా సంకల్ప్ అభియాన్

టిడిపి ఇన్‌చార్జ్ డాక్టర్ గొట్టిపాటి లక్ష్మీ.

ప్రధానమంత్రి నరేంద్ర మోడీ తన జీవితాన్ని ప్రజాసేవకే అంకితం చేశారని, ఆయన నాయకత్వంలో అభివృద్ధి సంక్షేమం విప్లవంలా పరుగులు తీస్తుందని నియోజకవర్గ టిడిపి ఇన్చార్జ్ డాక్టర్ గొట్టిపాటి లక్ష్మీ అన్నారు. భారత ప్రధాని నరేంద్ర మోడీ  జన్మదినం, 25 సంవత్సరాల సుదీర్ఘ ప్రజాసేవను పురస్కరించుకుని 2026 సెప్టెంబర్ 17 నుండి అక్టోబర్ 17 వరకు దేశవ్యాప్తంగా నిర్వహిస్తున్న " సేవా సంకల్ప్ అభియాన్ " కార్యక్రమంలో భాగంగా మంగళవారం తాళ్లూరు మండలం తూర్పు గంగవరం పంచాయతీలో  ఆరోగ్య శాఖ ఆధ్వర్యంలో గ్రామం లో హెల్త్ క్యాంపులను ఏర్పాటు చేసి ప్రత్యేక ఉచిత వైద్య శిభిరం నిర్వహించారు. ​ఈ సందర్భంగా డాక్టర్ గొట్టిపాటి లక్ష్మి  మాట్లాడుతూ  ​ప్రధాని నరేంద్ర మోడీ  పాతికేళ్లుగా నిరంతరం ప్రజాసేవకే తన జీవితాన్ని అంకితం చేశారని, ఆయన నాయకత్వంలో దేశం సంక్షేమం , అభివృద్ధి పథంలో దూసుకుపోతోందని కొనియాడారు.  ​కేంద్రంలో నరేంద్ర మోడీ  నాయకత్వం, రాష్ట్రంలో ముఖ్యమంత్రి  నారా చంద్రబాబు నాయుడు ప్లానింగ్, డిప్యూటీ సీఎం పవన్ కళ్యాణ్ ఎన్డీఏ' ప్రభుత్వం ఏపీ అభివృద్ధికి పెద్దపీట వేస్తోందని తెలిపారు. తూర్పు గంగవరం పంచాయతీ పరిధిలో ప్రజా సమస్యల పరిష్కారానికి, సంక్షేమ పథకాలు ప్రతి ఇంటికి అందేలా తెలుగుదేశం పార్టీ నిరంతరం కృషి చేస్తుందని హామీ ఇచ్చారు. ఈ కార్యక్రమం లో డాక్టర్ మౌనిక, డాక్టర్. శ్రీకాంత్, ​మండల టిడిపి అధ్యక్షులు మేడగం వెంకటేశ్వర రెడ్డి, టిడిపి నాయకులు మానం రమేష్ బాబు, రాష్ట్ర నాటకరంగం కార్పొరేషన్ డైరెక్టర్ బొమ్మిరెడ్డి ఓబుల్ రెడ్డి, క్లస్టర్ రాచకొండ వెంకట్రావు, మస్తాన్, పిన్నిక రమేష్, వేణు మండలం లోని వివిద హోదాల్లో ఉన్న టిడిపి సీనియర్ నాయకులు, ఎన్డీఏ కూటమి నాయకులు, కార్యకర్తలు, ప్రజలు పాల్గొన్నారు.