అంగన్వాడీ కేంద్రానికి బీరువా బహూకరణ

జంగారెడ్డిగూడెం-మేజర్ న్యూస్,మండలంలోని అక్కంపేట గ్రామ అంగన్వాడీ కేంద్రానికి టీడీపీ యువనాయకుడు దాకారపు కృష్ణ బీరువాను బహూకరించారు. అంగన్వాడీ కేంద్రానికి బీరువా అవసరమని సిబ్బంది కోరగా, స్పందించిన ఆయన వెంటనే బీరువాను అందజేశారు. ముఖ్య అతిథిగా పాల్గొన్న టీడీపీ మండల అధ్యక్షుడు కుక్కల మాధవరావు మాట్లాడుతూ దాకారపు కృష్ణ గత తొమ్మిదేళ్లుగా మెట్ట ప్రాంతంలో పలు సేవా కార్యక్రమాలు నిర్వహిస్తూ ప్రజల అభిమానం పొందుతున్నారని అన్నారు. టీడీపీ మండల ఉపాధ్యక్షుడు శ్రీనివాస్ మాట్లాడుతూ, దాతృత్వం, సేవా గుణంతో కృష్ణ మంచి పేరు సంపాదించుకున్నారని కొనియాడారు.అనంతరం దాకారపు కృష్ణను గ్రామస్థులు, అంగన్వాడీ సిబ్బంది, నాయకులు ఘనంగా సన్మానించారు. ఈ కార్యక్రమంలో గ్రామ పార్టీ అధ్యక్షుడు తారిపరెడ్డి రామకృష్ణ, సొసైటీ చైర్మన్ గంధం గోపాలకృష్ణ, సొసైటీ సభ్యులు తాళ్లూరు వెంకటేశ్వరరావు, మోతే సిద్ధరావు, బీజేపీ యువమోర్చా మండల అధ్యక్షుడు దోరేపల్లి సురేంద్రకుమార్, పింగుల మంగారావు, పారేపల్లి శ్రీనివాస్, వింజమూరి అలేఖ్య, ఇంజమూరి మహాలక్ష్మి, అంగన్వాడీ టీచర్లు దేవి, చంద్రకళ, పిల్లల తల్లిదండ్రులు, గ్రామస్థులు పాల్గొన్నారు.

 రిపోర్టర్: కెవి రమణ రావు, జంగారెడ్డిగూడెం, ఏలూరు జిల్లా.