బీజేపీని క్షేత్ర స్థాయిలో పటిష్టం చేయాలి

తాడేపల్లిగూడెం, మేజర్ న్యూస్ ; తాడేపల్లిగూడెం రూరల్ మండలంలో భారతీయ జనతా పార్టీ నెలవారీ సమావేశం నిర్వహించారు. ఈ సమావేశానికి భారతీయ జనతా పార్టీ తాడేపల్లిగూడెం రూరల్ మండల అధ్యక్షులు కాశీ విశ్వేశ్వరరావు అధ్యక్షత వహించారు. ఈ కార్యక్రమానికి ముఖ్య అతిథిగా భారతీయ జనతా పార్టీ నరసాపురం పార్లమెంట్ మీడియా కన్వీనర్ నరిసే సోమేశ్వరరావు హాజరయ్యారు. ఈ సందర్భంగా ఆయన మాట్లాడుతూ తాడేపల్లిగూడెం రూరల్ మండలంలో భారతీయ జనతా పార్టీని మరింత బలోపేతం చేసేందుకు నాయకులు, కార్యకర్తలు సమన్వయంతో పనిచేయాలని సూచించారు. కేంద్ర ప్రభుత్వ సంక్షేమ పథకాలు, పార్టీ విధానాలు ప్రజల్లోకి విస్తృతంగా తీసుకెళ్లడంతో పాటు, ప్రతి గ్రామంలో పార్టీ కార్యకలాపాలను మరింత విస్తరించాలని ఆయన తెలిపారు. పార్టీని క్షేత్రస్థాయిలో బలోపేతం చేయడంలో కార్యకర్తల పాత్ర ఎంతో కీలకమని పేర్కొన్నారు. అనంతరం పార్టీ సంస్థాగత విషయాలు, రాబోయే కార్యక్రమాలు, మండల స్థాయిలో పార్టీని మరింత బలోపేతం చేసే అంశాలపై నాయకులు, కార్యకర్తలతో చర్చించారు. ఈ సమావేశంలో భారతీయ జనతా పార్టీ నాయకులు, కార్యకర్తలు, మండల స్థాయి పదాధికారులు తదితరులు పాల్గొన్నారు.

 రిపోర్టర్: శ్రీనివాస్, తాడేపల్లిగూడెం, పశ్చిమగోదావరి జిల్లా.