కదిరి ఎమ్మెల్యే కందికుంట వెంకటప్రసాద్ ఆధ్వర్యంలో గర్భవతులకు సామూహిక సీమంతాలు

అనంతపురం బ్యూరో  : శ్రీ సత్యసాయి జిల్లా కదిరి పట్టణంలోని ప్రభుత్వ జడ్పీ ఉన్నత పాఠశాల నందు శ్రీ శిశు సంక్షేమ శాఖ ఆధ్వర్యంలో 9వ రాష్ట్రీయ కార్యక్రమం నిర్వహించారు. కార్యక్రమానికి ముఖ్య అతిథులుగా  కదిరి ఎమ్మెల్యే కందికుంట వెంకటప్రసాద్, హిందూపురం పార్లమెంటు సభ్యులు బి.కె పార్థసారథి, సత్య సాయి జిల్లా ఐసిడిఎస్ పిడి ప్రమీల హాజరయ్యారు. కార్యక్రమంలో కదిరి, నల్లచెరువు ఐసిడిఎస్ ప్రాజెక్టుల పరిధిలోని 800 గర్భవతులకు సామూహిక సీమంతాలు నిర్వహించారు. ఈ కార్యక్రమంలో ఎమ్మెల్యే కందికుంట, ఎంపీ పార్థసారధిలు గర్భవతులకు చీర సారె తదితరాలను పంపిణీ చేశారు. కార్యక్రమంలో కదిరి ఆర్డీవో కళావతి, కదిరి సిడిపిఓ రాధిక, నల్లచెరువు సిడిపిఓ నిహారిక, అంగన్వాడి సూపర్వైజర్లు, కార్యకర్తలు పాల్గొన్నారు.