చిన్న వెంకన్న దేవస్థానంలో వరుణ యాగ జప పారాయణలు

ద్వారకాతిరుమల మేజర్ న్యూస్: తెలుగు రాష్ట్రాల్లో వర్షాలు విస్తారంగా కురవాలని కాంక్షిస్తూ ద్వారకాతిరుమల శ్రీ వెంకటేశ్వర స్వామి వారి ఆలయానికి ఉపాలయమైన శ్రీ భ్రమరాంబా సమేత మల్లికార్జున స్వామి వారి ఆలయంలో మంగళవారం వరుణ యాగ సహిత సహస్ర ఘటాభిషేకం ప్రత్యేక పూజలు ఘనంగా నిర్వహించారు. ముందుగా ఆలయ కార్యనిర్వాహణాధికారి వేండ్ర త్రినాధ రావు దంపతులు జ్యోతి ప్రజ్వలన చేసి కార్యక్రమం ప్రారంభించారు. ఆలయ అర్చకులు వేద పండితులు  ఉదయం గణపతి పూజతో కార్యక్రమాన్ని ప్రారంభించారు. అనంతరం అర్చకులు జప పారాయణలో, మూలమంత్ర జపాలు,  శివ పంచాక్షరి జపం,  పటించారు. ఈ సందర్భంగా ఈవో మాట్లాడుతూ 7 ఏడవ తేదీ మరియు 8వ తేదీన మూలవిరాట్ కు  సహస్ర ఘటాభిషేకం, వరుణ యాగం, జపాలు,హోమాలు జరుగుతాయని అన్నారు. కార్యక్రమంలో ఆలయ సిబ్బంది భక్తులు  పాల్గొన్నారు.

 నాగరాజు దొరకతిరుమల