telanagana
సద్దుల బతుకమ్మ వేడుకల్లో సేవా స్ఫూర్తి చాటిన మంథని జగన్మోహన్‌రావు
సూర్య, నస్పూర్‌ : సద్దుల బతుకమ్మ పండుగ సందర్భంగా కాంగ్రెస్‌ పార్టీ సీనియర్‌ నాయకుడు మంథని జగన్మోహన్‌రావు సేవా కార్యక్రమాలు నిర్వహించారు. మంచిర్యాల మున్సిపల్‌ కార్పొరేషన్‌ 6వ డివిజన్‌ కార్పొరేటర్‌ వనపర్తి కేత రాజేష్‌ ఆధ్వర్యంలో మహిళలకు ప్రసాదం పంపిణీ చేయడంతో పాటు మాలధారణ స్వాములకు అల్పాహారం ఏర్పాటు చేశారు. పండుగ వేళ మహిళలు, భక్తులకు సేవలందిస్తూ ఆధ్యాత్మిక కార్యక్రమాల్లో భాగస్వాములయ్యారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగలో సేవా కార్యక్రమాలు నిర్వహించడం అభినందనీయమని స్థానికులు పేర్కొన్నారు. ఈ సందర్భంగా హిమ్మత్‌నగర్‌ దుర్గామాత కమిటీ సభ్యులు మంథని జగన్మోహన్‌రావును అభినందించి కృతజ్ఞతలు తెలిపారు. ఇలాంటి కార్యక్రమాలు సామాజిక ఐక్యతను, సోదరభావాన్ని పెంపొందిస్తాయని వారు అన్నారు.
