మహర్నవమి వేడుకల్లో ఆయుధ పూజలు.. - పోలీస్‌ కమిషనర్‌ దంపతుల ప్రత్యేక పూజలు
విజయవాడ క్రైం, మేజర్ న్యూస్ : దసరా శరన్నవరాత్రి ఉత్సవాల్లో భాగంగా మహర్నవమి సందర్భంగా విజయవాడ సిటీ ఆర్మ్‌డ్‌ రిజర్వ్‌ కార్యాలయంలో సోమవారం సంప్రదాయబద్ధంగా ఆయుధ పూజలు నిర్వహించారు. ఎన్టీఆర్ జిల్లా పోలీస్‌ కమిషనర్‌ ఎస్.వి. రాజశేఖరబాబు దంపతులు ముఖ్య అతిథులుగా పాల్గొని పోలీసు ఆయుధాలు, వాహనాలకు ప్రత్యేక పూజలు చేశారు. ప్రతి ఏడాది మహర్నవమి రోజున నిర్వహించే ఆనవాయితీలో భాగంగా ఈ కార్యక్రమాన్ని నిర్వహించారు. విధి నిర్వహణలో కీలకమైన ఆయుధాలు, వాహనాలకు పూజలు చేసి పోలీసు శాఖ సంప్రదాయాలను కొనసాగించారు. దసరా శరన్నవరాత్రుల నేపథ్యంలో నగరంలోని అన్ని పోలీస్‌ స్టేషన్లు, వివిధ పోలీసు విభాగాల్లోనూ ఆయుధ పూజలు నిర్వహించారు. ఈ సందర్భంగా పోలీస్‌ కమిషనర్‌ కార్యాలయ సిబ్బంది, ఆర్మ్‌డ్‌ రిజర్వ్‌ విభాగం అధికారులు కార్యక్రమంలో పాల్గొన్నారు. ఈ కార్యక్రమంలో డీసీపీలు కె. తిరుమలేశ్వరరెడ్డి, షిరిన్‌ బేగం, కె.జి.వి. సరిత, కృష్ణ ప్రసన్న, ఏ.బి.టి.ఎస్. ఉదయరాణి, బి. సత్యనారాయణ, ఏఆర్‌ అడిషనల్‌ డీసీపీ ఎన్‌.వి. రమణ, ఏఆర్‌ ఏసీపీలు, రిజర్వ్‌ ఇన్‌స్పెక్టర్లు, రిజర్వ్‌ సబ్‌ ఇన్‌స్పెక్టర్లు, ఇతర పోలీసు సిబ్బంది పాల్గొన్నారు.
స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.
