రైతులకు రాయితీపై శనగ విత్తనాలు

రైతులకు రాయితీపై శనగ విత్తనాలు

విత్తనాల పంపిణీకి ఏర్పాట్లు పూర్తి.. ఎకరాకు 25 కిలోల చొప్పున పంపిణీ

కోహీర్, ; కోహిర్ మండల రైతులకు రాయితీపై శనగ విత్తనాలను అందించేందుకు వ్యవసాయ శాఖ అధికారులు ఏర్పాట్లు చేస్తున్నారు. మండలంలోని రైతులకు శనగ విత్తనాలను అందుబాటులోకి తీసుకువచ్చి పంపిణీ చేయనున్నట్లు వ్యవసాయ శాఖ అధికారులు తెలిపారు.రైతులు తమ ఆధార్ కార్డు, పట్టాదారు పాస్‌బుక్, బ్యాంకు ఖాతా వివరాలతో పాటు సంబంధిత పత్రాలను సమర్పించి విత్తనాలను పొందాలని సూచించారు. రైతులకు అవసరమైన మేరకు విత్తనాలను అందించేలా అధికారులు చర్యలు చేపడుతున్నారు.ఈ సందర్భంగా వ్యవసాయ విస్తరణ అధికారులు (ఏఈఓలు) గ్రామాల్లో రైతులకు విత్తనాల పంపిణీ, సాగు విధానాలపై అవగాహన కల్పించాలని సూచించారు. ముఖ్యంగా రబీ సీజన్‌లో శనగ సాగు చేసే రైతులకు ఎకరాకు 25 కిలోల చొప్పున విత్తనాలను రాయితీపై అందించనున్నట్లు పేర్కొన్నారు.రైతులు ఈ అవకాశాన్ని సద్వినియోగం చేసుకోవాలని అధికారులు కోరారు. అలాగే విత్తనాల పంపిణీ సమయంలో రైతుల వివరాలను నమోదు చేసి, సంబంధిత ప్రక్రియను పారదర్శకంగా నిర్వహించాలని ఏఈఓలకు సూచించారు.