రైతు ఉత్పత్తిదారుల సంఘాలు అభివృద్ధి సాధించాలి

రైతు ఉత్పత్తిదారుల సంఘాలు అభివృద్ధి సాధించాలి

సభ్యత్వాలు, ఈ-కేవైసీ పూర్తి చేసి వ్యాపారాలను విస్తరించాలి

కోహీర్ ; కోహీర్ మండల సమాఖ్య కార్యాలయంలో నేల తల్లి ఫార్మర్ ప్రొడ్యూసర్ కంపెనీ బోర్డ్ ఆఫ్ డైరెక్టర్ల సమావేశం చైర్మన్ డి. చంద్రకళ అధ్యక్షతన నిర్వహించారు. ఈ సమావేశంలో ఫామ్ ఏపీఎం శివకుమార్ మాట్లాడుతూ రైతు ఉత్పత్తిదారుల సంఘాల సభ్యత్వాలను పూర్తి చేసి, సభ్యులందరికీ ఈ-కేవైసీ చేయించాలని సూచించారు. అలాగే షీ లీప్ యాప్‌లో వివరాలను నమోదు చేసుకొని, వ్యవసాయ ఉత్పత్తుల విక్రయాలు, వ్యాపారాలను విస్తరించేందుకు కృషి చేయాలని అన్నారు.ఆగ్రో కంపెనీ గోదాముల నిర్మాణాలను త్వరితగతిన పూర్తి చేయాలని, కంపెనీ కార్యకలాపాల నిర్వహణ కోసం అకౌంటెంట్‌ను నియమించుకోవాలని సూచించారు. పుస్తకాల నిర్వహణ సక్రమంగా చేపట్టి, ఆడిట్ ప్రక్రియను పూర్తి చేయాలని తెలిపారు.మండలంలోని ఖానాపూర్‌లో జీవనోపాధి సర్వీస్ సెంటర్ ఏర్పాటు చేయనున్నట్లు పేర్కొన్నారు. ఇందులో భాగంగా ఖానాపూర్, మంచిరెడ్డిపల్లి, సజ్జాపూర్, బడంపేట్ గ్రామాల్లో ప్రత్యేక సర్వే నిర్వహించనున్నట్లు వెల్లడించారు.ఈ సమావేశంలో ఏపీఎం, సీసీలు, క్లస్టర్ బోర్డ్ ఆఫ్ డైరెక్టర్లు, సంబంధిత సిబ్బంది పాల్గొన్నారు.