పులిమామిడి లో ఘనంగా ప్రారంభమైన దేవీ నవరాత్రి ఉత్సవాలు

పులిమామిడిలో ఘనంగా ప్రాంభమైన దేవీ నవరాత్రి ఉత్సవాలు

బాల త్రిపుర సుందరి దేవిగా దర్శనమిచ్చిన అమ్మవారు

దేవీ నవరాత్రి ఉత్సవాల్లో   భాగంగా  ఆదివారం మొదటి రోజు అమ్మవారు బాల త్రిపుర సుందరి దేవిగా భక్తులకు దర్శనమిచ్చారు. ఈ సందర్భంగా కందుకూరు మండలం పులిమామిడి గ్రామంలో అమ్మవారి మండపం వద్ద ప్రత్యేక పూజలు నిర్వహించారు. ఉదయం నుంచే భక్తులు పెద్ద సంఖ్యలో తరలివచ్చి అమ్మవారిని దర్శించుకుని భక్తిశ్రద్ధలతో పూజలు చేశారు.
గ్రామ సర్పంచ్ ఎంబడి రమేష్, మాజీ సర్పంచ్ ఆనేగౌని దేవి పాండు గౌడ్ ల దంపతులు అమ్మవారికి ప్రత్యేక పూజలు నిర్వహించారు. అనంతరం పురోహితులు కుంకుమార్చన కార్యక్రమాన్ని చేపట్టి అమ్మవారికి విశేష పూజలు చేశారు.
ఈ కార్యక్రమంలో మాజీ ఉపసర్పంచ్ వెంకటాచారి, రమేష్, నగేష్‌, వినయ్ తో పాటు గ్రామ యువకులు, మహిళలు, భక్తులు తదితరులు పాల్గొన్నారు.

టి శ్రీనివాస్: మేజర్ న్యూస్ కందుకూరు