పౌరులకు పారదర్శకమైన సేవలు అందించడమే లక్ష్యం ----సెవోత్తమ్ శిక్షణ కార్యక్రమంలో అదనపు కలెక్టర్ అంబదాస్ రాజేశ్వర్.
పౌరులకు పారదర్శకమైన సేవలు అందించడమే లక్ష్యం
----సెవోత్తమ్ శిక్షణ కార్యక్రమంలో అదనపు కలెక్టర్ అంబదాస్ రాజేశ్వర్.
మెదక్ ; పౌరులకు పారదర్శకమైన, జవాబుదారీతనంతో సేవలు అందించడమే సేవోత్తమ్ కార్యక్రమం లక్ష్యం అని జిల్లా అదనపు కలెక్టర్ అంబదాసు రాజేశ్వర్ అన్నారు.
బుధవారం కలెక్టరేట్లోని మినీ సమావేశ మందిరంలో సేవోత్తమ్ కార్యక్రమాన్ని లో కార్యాలయ జూనియర్ అసిస్టెంట్ ఉండి సూపరిండెంట్ స్థాయి వరకు శిక్షణ కార్యక్రమాన్ని నిర్వహించారు.ఈ సందర్భంగా అదనపు కలెక్టర్ అంబదాసు రాజేశ్వర్ మాట్లాడుతూ..
ప్రభుత్వ సేవలను మరింత సమర్థవంతంగా, పారదర్శకంగా, జవాబుదారీతనంతో ప్రజలకు అందించేందుకు కేంద్ర ప్రభుత్వం అమలు చేస్తున్న సెవోత్తమ్ యొక్క ముఖ్య ఉద్దేశం అన్నారు.ప్రభుత్వ కార్యాలయాలకు వచ్చే ప్రజలకు సకాలంలో, నాణ్యమైన సేవలు అందించడంతో పాటు వారి సమస్యలను వేగంగా పరిష్కరించేలా అధికారులు, సిబ్బందిలో సామర్థ్యాన్ని పెంపొందించడమే ఈ శిక్షణ కార్యక్రమం ప్రధాన ఉద్దేశమని తెలిపారు.
సెవోత్తమ్ అనేది “సేవలో అత్యుత్తమత” సాధించేందుకు రూపొందించిన కార్యక్రమమని,ఈ విధానంలో పౌరుల చార్టర్, ప్రజా ఫిర్యాదుల పరిష్కార వ్యవస్థ, సేవల అందించే సామర్థ్యాన్ని పెంపొందించడం వంటి మూడు ప్రధాన అంశాలకు ప్రాధాన్యత ఉంటుందన్నారు.
శిక్షణలో భాగంగా ప్రజలకు అందించే ప్రతి ప్రభుత్వ సేవకు సంబంధించి సేవా ప్రమాణాలను నిర్ధారించడం, నిర్ణీత కాలవ్యవధిలో సేవలను అందించడం, సేవల నాణ్యతను పర్యవేక్షించడం,
ప్రజల నుంచి అభిప్రాయాలను స్వీకరించడం, ఫిర్యాదులను సమయానుకూలంగా పరిష్కరించడం వంటి అంశాలపై అవగాహన కలిగి ఉండాలన్నారు.ఈ కార్యక్రమంలో ఏవో యూనస్, రీజనల్ ట్రైనింగ్ మేనేజర్ శంకర్, కార్యాలయ సిబ్బంది తదితరులు పాల్గొన్నారు.
