రేపే ‘సిగ్మా’ సినిమా విడుదల.. పైరసీ చేసేవారికి హీరో సందీప్ కిషన్ గట్టి వార్నింగ్
సూర్య ఎంటర్‌టైన్‌మెంట్ డెస్క్: ప్రతిభావంతుడైన యువ హీరో సందీప్ కిషన్ ప్రధాన పాత్రలో నటిస్తున్న తాజా యాక్షన్ ఎంటర్‌టైనర్ చిత్రం ‘సిగ్మా’ ప్రేక్షకుల ముందుకు వచ్చేందుకు సిద్ధమైంది. భారీ అంచనాల మధ్య రేపు ఈ సినిమా గ్రాండ్‌గా థియేటర్లలో విడుదల కాబోతుండగా, చిత్ర యూనిట్ ప్రస్తుతం ప్రమోషన్ కార్యక్రమాలలో బిజీగా ఉంది. అయితే సినిమా విడుదల కంటే ముందే చిత్ర యూనిట్‌ను, ముఖ్యంగా నిర్మాతలను కలవరపెట్టే పైరసీ భూతంపై హీరో సందీప్ కిషన్ తీవ్రంగా స్పందించారు. సినిమాను అక్రమంగా ఆన్‌లైన్‌లో లీక్ చేసే పైరసీ రాయుళ్లకు ఆయన సోషల్ మీడియా వేదికగా గట్టి వార్నింగ్ ఇవ్వడం ప్రస్తుతం సినీ వర్గాలలో హాట్ టాపిక్‌గా మారింది.
కష్టపడి తీసిన సినిమాను కొందరూ ఆన్‌లైన్ సైట్లలో పైరసీ చేయడం వల్ల నిర్మాతలు, డిస్ట్రిబ్యూటర్లు ఎంతగా నష్టపోతున్నారో అందరికీ తెలిసిందేనని సందీప్ కిషన్ ఆవేదన వ్యక్తం చేశారు. ఎంతోమంది శ్రమను, కోట్ల రూపాయల పెట్టుబడిని దోచుకునే ఈ దొంగతనపు చర్యలను ఎట్టి పరిస్థితుల్లోనూ సహించేది లేదని ఆయన హెచ్చరించారు. థియేటర్లలో సినిమా చూసి ఆస్వాదించాలని, దయచేసి ఎలాంటి పైరసీ లింక్‌లను షేర్ చేయవద్దని, పైరసీకి పాల్పడేవారిపై చట్టపరంగా కఠిన చర్యలు తీసుకుంటామని ఆయన స్పష్టం చేశారు. చిత్ర పరిశ్రమను కాపాడుకునేందుకు ప్రేక్షకులు కూడా పైరసీకి వ్యతిరేకంగా పోరాడాలని ఆయన పిలుపునిచ్చారు.
మరోవైపు టాలీవుడ్‌లో సరికొత్త కథాంశంతో తెరకెక్కిన ఈ చిత్రానికి సంబంధించి ఇప్పటికే విడుదలైన ట్రైలర్ మరియు పోస్టర్లు ప్రేక్షకుల్లో భారీ అంచనాలను క్రియేట్ చేశాయి. సందీప్ కిషన్ తన కెరీర్‌లోనే అత్యంత వైవిధ్యమైన పాత్రలో కనిపించబోతున్నారని, యాక్షన్ సన్నివేశాలు సినిమాకే హైలైట్‌గా నిలుస్తాయని మేకర్స్ ధీమా వ్యక్తం చేస్తున్నారు. రేపు ప్రపంచవ్యాప్తంగా విడుదల కాబోతున్న ఈ చిత్రం బాక్సాఫీస్ వద్ద ఎలాంటి సంచలనాలు సృష్టిస్తుందో చూడాలని అభిమానులు ఎంతగానో ఎదురుచూస్తున్నారు.
