ప్రజా సమస్యల పరిష్కారానికి జర్నలిస్టులు పాటుపడాలి. డిసిసి అధ్యక్షుడు పట్లోళ్ల చంద్రశేఖర్ రెడ్డి

ప్రజా సమస్యల పరిష్కారానికి జర్నలిస్టులు పాటుపడాలి.
డిసిసి అధ్యక్షుడు పట్లోళ్ల చంద్రశేఖర్ రెడ్డి
నారాయణఖేడ్ : జర్నలిస్టులు ప్రభుత్వానికి, ప్రజలకు మధ్య వారధిగా ఉంటూ ప్రజా సమస్యలను వెలుగులోకి తీసుకువచ్చి వాటి పరిష్కారానికి కృషి చేయాలని సంగారెడ్డి జిల్లా కాంగ్రెస్ కమిటీ అధ్యక్షుడు చంద్రశేఖర్ రెడ్డి అన్నారు.
గురువారం నారాయణఖేడ్ పట్టణంలోని ఎమ్మెల్యే డాక్టర్ పట్లోళ్ల సంజీవరెడ్డి నివాసంలో తెలంగాణ వర్కింగ్ జర్నలిస్ట్ ఫెడరేషన్ నూతన కార్యవర్గాన్ని ఘనంగా సన్మానించారు. ఈ సందర్భంగా ఫెడరేషన్ నారాయణఖేడ్ అధ్యక్షుడు పుట్టి సంజీవ్ కుమార్, వర్కింగ్ ప్రెసిడెంట్ బిరదర్ ప్రతాప్, ప్రధాన కార్యదర్శి కైసర్, కోశాధికారి ఇబ్రహీంఖాన్‌ తో పాటు ఉపాధ్యక్షులు, కార్యవర్గ సభ్యులను శాలువాలు, పుష్పగుచ్ఛాలతో సత్కరించారు. అనంతరం చంద్రశేఖర్ రెడ్డి మాట్లాడుతూ ప్రజా సమస్యలను నిరంతరం ప్రభుత్వం దృష్టికి తీసుకెళ్లేలా జర్నలిస్టులు బాధ్యతాయుతంగా పనిచేయాలని సూచించారు. అదేవిధంగా జర్నలిస్టుల సమస్యల పరిష్కారంతో పాటు వారి కుటుంబాల సంక్షేమం కోసం నూతన కార్యవర్గం కృషి చేయాలని కోరారు. ఈ కార్యక్రమంలో రాష్ట్ర కార్యవర్గ సభ్యుడు మునిగాల మాణిక్ ప్రభు, మున్సిపల్ కౌన్సిలర్ బాణపురం రాజు, టిడబ్ల్యూజెఎఫ్  నాయకులు, కార్యవర్గ సభ్యులు, జర్నలిస్టులు తదితరులు పాల్గొన్నారు.