telanagana
పాలమూరు రెడ్క్రాస్ సభ్యులను సన్మానించిన కలెక్టర్
మహబూబ్ నగర్, సూర్య ప్రతినిధి: నూతనంగా ఎన్నికైన మహబూబ్ నగర్ రెడ్క్రాస్ సొసైటీ చైర్మన్ ఎస్. రవికుమార్తో పాటు మేనేజింగ్ కమిటీ సభ్యులు బుధవారం కలెక్టర్ కార్యాలయంలో జిల్లా కలెక్టర్ ఖుష్బూ గుప్తాను మర్యాదపూర్వకంగా కలిశారు. ఈ సందర్భంగా జిల్లా కలెక్టర్ ఖుష్బూ గుప్తా నూతనంగా ఎన్నికైన చైర్మన్ ఎస్. రవికుమార్, మేనేజింగ్ కమిటీ సభ్యులను శాలువాతో సన్మానించి అభినందించారు. అనంతరం కలెక్టర్ మాట్లాడుతూ.. రెడ్క్రాస్ సంస్థ ద్వారా ఇప్పటికే నిర్వహిస్తున్న సేవా కార్యక్రమాలను మరింత విస్తరించి, ప్రజలకు అవసరమైన మరిన్ని సేవలను అందించాలని ఆమె సూచించారు.
-- *శివకుమార్, సూర్య మహబూబ్ నగర్ ప్రతినిధి*
