కరాటి శిక్షకుడుకు అంతర్జాతీయ గుర్తింపు
తిరుపతి కరాటే రంగానికి అంతర్జాతీయ వేదికపై మరో గుర్తింపు లభించింది. నగరానికి చెందిన కరాటే శిక్షకుడు రెన్షి వెంకటేశ్వర్లు జపాన్లోని యోకోహామాలో డబ్ల్యూఎస్కేఎఫ్ 1వ డాన్ గ్రేడింగ్ సర్టిఫికేట్ అందుకున్నారు. కర్ణాటక క్రీడా ప్రాధికార సంస్థ ఉపాధ్యక్షుడు అరుణ్ మచయ్య చేతుల మీదుగా ఆయన ఈ సర్టిఫికేట్ను స్వీకరించారు.తిరుపతిలో కరాటే శిక్షణ అందిస్తూ విద్యార్థులను తీర్చిదిద్దుతున్న వెంకటేశ్వర్లు, నిరంతర సాధన, క్రమశిక్షణతో డాన్ గ్రేడింగ్ సాధించారు.కరాటేలో మరింత ఉన్నత స్థాయికి చేరుకునేందుకు ఈ గుర్తింపు ప్రోత్సాహాన్ని అందించిందని తెలిపారు. యోకోహామాలో సర్టిఫికేట్ అందుకోవడం తన కరాటే ప్రస్థానంలో చిరస్మరణీయమైన ఘట్టమని పేర్కొన్నారు.తన కరాటే ప్రయాణంలో గురువు క్యోషి కోల ప్రతాప్కుమార్ అందించిన మార్గదర్శకత్వం, ప్రోత్సాహం ఎంతో కీలకమని వెంకటేశ్వర్లు తెలిపారు. గురువు సూచనలతో సాధనను కొనసాగిస్తూ ఈ స్థాయికి చేరుకున్నానని చెప్పారు.తిరుపతిలోని వెంకీ మార్షల్ ఆర్ట్స్ ద్వారా కరాటే శిక్షణ అందిస్తున్న ఆయన, విద్యార్థుల్లో క్రమశిక్షణ, ఆత్మవిశ్వాసం, శారీరక దృఢత్వాన్ని పెంపొందించేలా శిక్షణ ఇస్తున్నారు.జపాన్లో డాన్ గ్రేడింగ్ సర్టిఫికేట్ అందుకోవడం పట్ల ఆయన శిష్యులు, క్రీడాభిమానులు హర్షం వ్యక్తం చేశారు.
