ఈసీఐఎల్‌లో హిట్ అండ్ రన్.. రోడ్డు పక్కన నడుచుకుంటూ వెళ్తున్న వారిపైకి దూసుకెళ్లిన కారు

సూర్య హైదరాబాద్ డెస్క్: హైదరాబాద్‌లోని ఈసీఐఎల్ (ECIL) ప్రాంతంలో ఘోర రోడ్డు ప్రమాదం చోటుచేసుకుంది. అర్ధరాత్రి రోడ్డు పక్కన నడుచుకుంటూ వెళ్తున్న 10 మంది వ్యక్తులపైకి ఒక గుర్తుతెలియని కారు అతివేగంగా దూసుకెళ్లి బీభత్సం సృష్టించింది. ఈ ప్రమాదంలో ముగ్గురికి తీవ్ర గాయాలు కాగా, మిగతా వారికి స్వల్ప గాయాలయ్యాయి

సమాచారం అందుకున్న వెంటనే పోలీసులు సంఘటనా స్థలానికి చేరుకుని, క్షతగాత్రులను చికిత్స నిమిత్తం సమీపంలోని ఆసుపత్రికి తరలించారు. ఈ ఘటనకు సంబంధించి స్థానికంగా ఉన్న సీసీటీవీ ఫుటేజ్ ఆధారంగా పోలీసులు కేసు నమోదు చేసి, నిందితుడి కోసం గాలింపు చర్యలు చేపట్టి దర్యాప్తు చేస్తున్నారు