andhrapradesh
డ్రగ్స్ నిల్వ భవన నిర్మాణ పనుల పరిశీలన
డ్రగ్స్ నిల్వ భవన నిర్మాణ పనుల పరిశీలన
మచిలీపట్నం, సెప్టెంబరు 30, మేజర్ న్యూస్ : పోలీసులు స్వాధీనం చేసుకునే మాదకద్రవ్యాలను భద్రంగా నిల్వ చేసేందుకు స్థానిక పోలీస్ పరేడ్ గ్రౌండ్స్ వెనుక నిర్మిస్తున్న నార్కోటిక్ డ్రగ్స్, సైకోట్రోపిక్ సబ్స్టాన్సెస్ భవన నిర్మాణ పనులను జిల్లా కలెక్టర్ డీకే బాలాజీ బుధవారం పరిశీలించారు. భవన నిర్మాణ పనుల పురోగతిని అధికారులను అడిగి తెలుసుకున్న ఆయన, నిర్మాణ నాణ్యత, భద్రతా ప్రమాణాలు, భద్ర గది ఏర్పాట్లను పరిశీలించారు. పనులను వేగవంతం చేసి త్వరితగతిన పూర్తి చేయాలని అధికారులను ఆదేశించారు. కలెక్టర్ వెంట రహదారులు, భవనాల శాఖ కార్యనిర్వహణ అధికారి లోకేశ్వరరావు, ప్రత్యేక విభాగం సీఐ సత్యకిషోర్ తదితరులు ఉన్నారు.
