andhrapradesh
గన్నవరంలో ఘనంగా మహబూబ్ సుభాని గ్యారమీ పండుగ వేడుకలు.
గన్నవరం, సెప్టెంబర్ 30, మేజర్ న్యూస్.
గన్నవరంలో మహబూబ్ సుభాని గ్యారమీ పండుగ వేడుకలు బుధవారం ఘనంగా నిర్వహించారు. అక్బర్ బాబా ఆధ్వర్యంలో గన్నవరం జెండా చెట్టు వద్ద నుంచి మహబూబ్ సుభాని గంధం మహోత్సవాన్ని పురస్కరించుకుని ప్రత్యేక ఊరేగింపు నిర్వహించారు.
భక్తిశ్రద్ధలతో ప్రారంభమైన గంధం ఊరేగింపు గన్నవరం పురవీధుల మీదుగా వైభవంగా సాగింది. పెద్ద సంఖ్యలో భక్తులు, ముస్లిం సోదరులు పాల్గొని ప్రత్యేక ప్రార్థనలు నిర్వహించారు.
ఈ కార్యక్రమానికి ముఖ్య అతిథిగా కొండపల్లి దర్గా నిర్వాహకులు అల్తాఫ్ బాబా హాజరై నిర్వాహకులను అభినందించారు. ఈ సందర్భంగా ఆయన మాట్లాడుతూ మహబూబ్ సుభాని వంటి మహనీయుల స్మరణార్థం ఇలాంటి దైవ కార్యక్రమాలను నిర్వహించడం గొప్ప విషయమన్నారు. భక్తి, సోదరభావం, మత సామరస్యాన్ని చాటేలా వేడుకలు నిర్వహించడం అభినందనీయమని పేర్కొన్నారు.
