నిజాంపేట్ కనకదుర్గమ్మ ఆలయంలో వైభవంగా నవరాత్రి ఉత్సవాలు

నిజాంపేట్ మేజర్ న్యూస్ :నిజాంపేట్‌లోని శ్రీ కనకదుర్గమ్మ అమ్మవారి దేవాలయంలో దసరా శరన్నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఆలయ ధర్మకర్త కొలన్ శ్రీనివాస్ రెడ్డి, నాయకుడు కొలన్ నరసింహారెడ్డి ఆధ్వర్యంలో నిర్వహిస్తున్న ఉత్సవాల్లో భాగంగా తొమ్మిదో రోజు అమ్మవారు శ్రీ కనకదుర్గమ్మ స్వరూపంలో భక్తులకు దర్శనమిచ్చారు. 

సుందరంగా అలంకరించిన అమ్మవారిని దర్శించుకునేందుకు భక్తులు పెద్ద సంఖ్యలో తరలివచ్చారు. అమ్మవారికి ప్రత్యేక పూజలు నిర్వహిస్తూ భక్తులు మొక్కులు చెల్లించుకున్నారు. అనంతరం ఆలయంలో ఏర్పాటు చేసిన అన్నప్రసాద కార్యక్రమంలో భక్తులు పాల్గొన్నారు. 

అమ్మవారి కృపాకటాక్షాలు ప్రజలందరిపై ఉండాలని, అందరూ సుఖసంతోషాలతో జీవించాలని భక్తులు ప్రార్థించారు. ఆలయ ప్రాంగణం భక్తుల సందడితో ఆధ్యాత్మిక వాతావరణాన్ని సంతరించుకుంది. ఈ కార్యక్రమంలో నిజాంపేట్ గ్రామ పెద్దలు, గ్రామస్తులు, భక్తులు భారీ సంఖ్యలో పాల్గొని అమ్మవారి సేవలో తరించారు.