కరీంనగర్ జిల్లాలో ఎన్‌హెచ్‌ఎం ఉద్యోగాలకు దరఖాస్తుల ఆహ్వానం
సూర్య కరీంనగర్: కరీంనగర్ జిల్లా వైద్య, ఆరోగ్య శాఖ పరిధిలో జాతీయ ఆరోగ్య మిషన్ (NHM) కింద వివిధ కార్యక్రమాల్లో ఖాళీగా ఉన్న కాంట్రాక్ట్, ఔట్‌సోర్సింగ్ పోస్టుల భర్తీకి అర్హులైన అభ్యర్థుల నుంచి దరఖాస్తులను ఆహ్వానిస్తున్నట్లు జిల్లా వైద్య, ఆరోగ్య అధికారి తెలిపారు. ప్రభుత్వ నిబంధనలు, మెరిట్, రోస్టర్ విధానం, రిజర్వేషన్ నిబంధనలు, ప్రెసిడెన్షియల్ ఆర్డర్–2018 ప్రకారం నియామకాలు చేపట్టనున్నట్లు పేర్కొన్నారు. అర్హులైన అభ్యర్థులు విద్యార్హతల ధ్రువపత్రాలు, కుల ధ్రువీకరణ పత్రం, ఇతర అవసరమైన ధ్రువపత్రాల స్వీయ ధ్రువీకరించిన ప్రతులతో దరఖాస్తులను జిల్లా వైద్య, ఆరోగ్య అధికారి కార్యాలయం, కరీంనగర్‌లో నేరుగా లేదా రిజిస్టర్డ్ పోస్టు ద్వారా సమర్పించవచ్చు. దరఖాస్తుల స్వీకరణ అక్టోబర్ 12న ప్రారంభం కాగా, అక్టోబర్ 24వ తేదీ సాయంత్రం 5 గంటల వరకు దరఖాస్తులు స్వీకరిస్తారు. పోస్టుల వివరాలు, అర్హతలు, దరఖాస్తు విధానం తదితర పూర్తి సమాచారాన్ని కరీంనగర్ జిల్లా అధికారిక వెబ్‌సైట్ https://karimnagar.telangana.gov.in/ ద్వారా తెలుసుకోవచ్చని అధికారులు సూచించారు.
