రాష్ట్రస్థాయి ఖోఖో క్రీడాకారులకు ప్రోత్సాహం-బియ్యం బస్తా, పండ్ల పంపిణీ-యువజన కాంగ్రెస్ నాయకుడు కడారి విక్రమ్

కాటారం, మేజర్ న్యూస్, హైదరాబాద్‌లోని సరూర్‌నగర్‌లో ఈ నెల 15, 16, 17 తేదీల్లో నిర్వహించనున్న తెలంగాణ రాష్ట్ర అండర్-17 జూనియర్ ఖోఖో పోటీల్లో పెద్దపల్లి జిల్లా జట్టు అత్యుత్తమ ప్రతిభ కనబరచాలని యువజన కాంగ్రెస్‌ నాయకుడు కడారి విక్రమ్‌ ఆకాంక్షించారు. ఈ రాష్ట్రస్థాయి పోటీలకు ఎంపికై, స్థానిక టీటీడబ్ల్యూఆర్‌ఎస్‌  పాఠశాల శిక్షణ శిబిరంలో కఠిన సాధన చేస్తున్న క్రీడాకారులను ఆయన సందర్శించారు.
క్రీడాకారుల అవసరాల కోసం తన వంతు సహాయంగా 25 కేజీల బియ్యం బస్తాతో పాటు పండ్లను విక్రమ్‌ అందజేశారు. ఈ సందర్భంగా ఆయన మాట్లాడుతూ గ్రామీణ ప్రాంత క్రీడాకారులు పట్టుదలతో రాణించి జిల్లాకు మంచి పేరు తీసుకురావాలని కోరారు. క్రీడల్లో గెలుపోటముల కంటే క్రీడా స్ఫూర్తి ముఖ్యమని, క్రీడాకారులకు తన వంతు సహకారం ఎల్లప్పుడూ ఉంటుందని భరోసా ఇచ్చారు. ఈ కార్యక్రమంలో పొట్ట రాజు, మంత్రి ప్రవీణ్, మరపాక రిశ్వంత్, పీఈటీ మంతెన శ్రీనివాస్, ఉడత తిరుపతి, అరవింద్, జశ్వంత్ పాల్గొన్నారు.

రిపోర్టర్, సుధాకర్ రెడ్డి, కాటారం, జయశంకర్ భూపాలపల్లి జిల్లా