కార్మికులకు దుస్తులు మరియు సరుకులు అందజేత

సూర్య రెంజల్ : గ్రామపంచాయతీ పరిశుద్ధ కార్మికులకు దుస్తులను మరియు సరుకులు అందజేసినట్లు సర్పంచ్ క్యాతం యోగేష్ తెలిపారు. రెంజల్ మండలంలోని నీలా గ్రామపంచాయతీ పారిశుద్ధ మరియు మల్టీపర్పస్ కార్మికులుగా విధులు నిర్వహిస్తున్నటువంటి కార్మికులందరికీ దసరా పండుగను పురస్కరించుకొని దుస్తులను, సరుకులు అందించినట్లు సర్పంచ్ తెలిపారు. పంచాయతీ కార్మికులకు ప్రతి సంవత్సరం దసరా పండుగను పురస్కరించుకొని ఆనవాయితీగా దుస్తులను అందించడం జరుగుతుందని, ఒక్కొక్కరికి రెండు జతల దుస్తులను, షూ లను అందించడం జరిగిందన్నారు. ఈ కార్యక్రమంలో పంచాయతీ కార్యదర్శి సునీల్, వార్డ్ సభ్యులు, సిబ్బంది తదితరులు పాల్గొన్నారు.